Studentu dīnys Vaļsts ašņadonoru centra Latgolys filialā
Vysu septembri Valsts ašņadonoru centra Latgolas filials reikoj kampaņi “Studentu dienas Valsts asinsdonoru centra Latgales filiālē”.Akcejas gaitā ašni zīdojušī studenti sajems suvenirus ar Valsts ašņadonoru centra simboliku. Itamā šaļtī nadateik vysu grupu ašņa, taču jo eipašai tryukst 0 grupas rezus pozitivuo i B grupas rezus pozitīvuo asņa.
15.i 16.septembrī Bolvūs nūtiks Latvejas čempionats orientiešonuos sportā, kuramā par medaļom ceineisīs vysaižu vacuma grupu sacenseibu daleibnīki.Sacenseibu centrs obejis čempionata dīnas atsarass vīnā vītā, kaida vīna kilometra attuolumā nu Kaļņa azara i kaidus 50 metrus nu dabraucamuo ceļa Bolvi-Kolnazars.
Šudin i reit Kruoslovas kulturas nomā nūtiks Latgolas nūvoda bibliotekaru sastuo puorrūbežu konference “Novadpētniecība modernā informācijas telpā”. Konference pluonots puorrunuot publiskū biblioteku atteisteibas strateģeji digitalū tehnoloģeju laikmetā, skaidrūt, kai puormaiņas ekonomikā, globalizaceja i informacejas tehnoloģejas ītekmej Latvejas publiskuos bibliotekas.
Beidzamajā dīnnaktī sazamazinuojuš kravys mašinu ryndas iz Latvejas-Krīvejas rūbežas. Terehovas rūbežkontrolis punktā itamā reitā izbraukšonu nu valsts gaideja 520 kravas mašinas, kas ir par 80 mašinom mozuok nakai trešdiņes reitā. Sovukuort Grebņevā izbraukšonu nu valsts itamā reitā gaideja 480 kravas mašinas, kas ir par 60 mašinom mozuok nakai vokor.
