Daleitū atkrytumu punktim četruos Latgolas pošvaldeibuos konteinerus daguoduos SIA “Eismas”

Itamā nedēļī Kruoslavas, Leivuonu, Preiļu nūvodu i Dagdas pylsātys pošvaldeibas nūsliegs leigumu ar SIA “Eismas” par 264 atkrytumu konteineru daguodi tūpūšajim daleitū atkrytumu vuokšonas punktim. Leigums paradz, ka konteinerus objektūs juodaguodoj da 19.oktobrim i pošvaldeibom tī kūpumā izmoksuos 91 134 latus, īskaitot davīnūtuos vierteibas nūdūkļi.

Ituo goda 15.septembrī Daugavpilī, Dubrovina parkā, svineigai tyks atkluots pīminekls bejušajam pylsātas mēram Pāvelam Dubrovinam. Tāņ parkā, natuoļi nu stryuklakys, vītā, kur tiks izstuodeita kaidus divejus metrus augstuo bejušuo pylsātas mera bronzys figura, teik veidūts specials laukums.

Šudiņ Riezeknē nūteik Latvejas Investiceju i atteisteibas aģenturas organizātais seminārs “Atbalsta iespējas komercsabiedrībām”. Seminarā Latvejas Investiceju i atteisteibas aģenturas speciālisti stuosteis par valsts atbolsta programmas “Dalība starptautiskās izstādēs un tirdzniecības misijās” pamotnūsacejumim, kai arī īsapazeistinuos ar 2007.-2013.godā pluonūtajom valsts atbolsta programmom.

Beidzamajā dīnnaktī krovas mašinu rynda iz Latvejas i Krīvejas rūbežas Terehovas rūbežkontrolis punktā pasalelinuojuse, bet Grebņevā – sazamazinuojuse. Itamā reitā Terehovā ryndā gaideja 950 krovas mašinas, kas ir par 50 mašinom vaira nakai pirmūdiņes reitā. Sovukuort Grebņevā itamā reitā ryndā gaideja 360 krovys mašinas, kas ir par 80 mašinom mozuok nakai vokor.