Valdeibai īsnīgs īrūsinuojumus problemas risinuošonai iz Latvejas i Krīvejas rūbežas
Šudin Ludzas rajona padūmis prīšksiedietuojs Juris Dombrovskis satiksmes ministram Aināram Šleseram īsnīgs īrūsinuojumus problemas risinuošonai iz Latvejas i Krīvejas rūbežas i pīrūbežas ceļim. Kai atzyna Dombrovskis, Ludzas rajonam i pošvaldeibai ir juozaceina tikai ar ituos problēmas sekom, kas dīvam žāļ situāceju naatrisinoj, koč gon, kab ceineitūs ar tuom, teik īguldeits daudzi leidzekļu i resursu.Šudin Daugavpils dūmis siedē ļems par finansejuma dašķieršonu izgleiteibas īstuožu ādinuošonas bloku renovacejas dorbim. Dūmis siedī pošvaldeibas deputāti pluonoj ļemt arī par pošvaldeibas leidzdaleibas programmu daudzdzeivūkļu dzeivojamū sātu energoefektivitatis pasuokumu veikšonai 2007.-2010.godam, par grūzejumim Daugavpils pylsātas Izgleiteibas puorvaldis speciālajā budžetā, par atļaujis izsnīgšonu individualajam dorbam, viertīs vaicuojumu par pošvaldeibas nakustamū eipašumu izskaiti, kai arī cytus vaicuojumus.
Šudin Riezeknis rajona Dekšārēs nūteik septeituos Riezeknis rajona izgleiteibas īstuožu darbinīku sporta kaitys. Izgleiteibas īstuožu darbinīki individuālai i komanduos pa četrim cylvākim sazacens taiduos sporta disciplinuos kai basketbols, stafete, šaušona, šautreņu mešona, zvejnīku zuobaka mešona i cytuos. Eipašas sacenseibas paradzātas školu direktorim, pīvadumam, sieņu laseišona i kafejas bundžu mešona.
Latvejas golvenais vītiejais puordūtuvu teikls “Elvi” šudin Jiekabpilī atkluoj jaunu tierdzeibas centru, kura kūpejuo plateiba byus gondreiž 4000 kvadratmetru. Leidz ar ituo centra atdareišonu Jiekabpilī radeitas vaira nakai 100 jaunas dorba vītas.
