Višķi – Latgolys sakūptuokais pogosts

Konkursā “Sakoptākais Latvijas pagasts 2007” Latgolā uzvariejs ir Daugavpiļs rajona Višķu pogosts, kurs beja lobuokais 10 nominacejuos. Bet vēļ diveji izvirzātī pogosti nu Latgolys – Andrupenis i Mērdzenis – ir uzvariejuši treis nominacejuos.

Šudiņ Jākubpiļī, Krustpiļs saleņā, nūtiks šlāgermuzykys festivals “Zaļumos ar Latvijas Radio 2”. Koncertā pīsadalēs “Dakota”, “Klaidonis”, “Zeļļi”, “Vēja runa”, “Latgales dāmu pops”.u.c. Pasuokuma apmaklātuoji varēs klausētīs gon īmeiļuotys dzīsmys, gon doncuot, pīsadalēt konkursūs i laimēt interesantys bolvys.

Paguojušajā naktī pagaidom manūskaidrūts jaunīts Rēzeknē, Jupatovkys īlys rajonā, kaidai sīvītei nu rūkom izruovs sumceņu i aizbēdzs. Sumceņā atsaroda 92 lati i sīvītis dokumenti. Suokts kriminalprocess.

Vēl vīns kriminalprocess Rēzeknē uzsuokts par jumta saguma vara leistu zuodzeibu. Vakar, 9. augustā, rēzeknē, Kumunalu īlā 2, nu SIA “Latgalia” teritorejis nūzogtys treis tonnys jauna saguma vara leistis. Uzjāmumam nūdareits materialais zaudejums apmāram 105 000 latu vierteibā.

11. augustā, Varakļānūs nūtiks piļsātys svātki, kas jau klivušs par ikgadeju tradiceju. Itūgod pasuokumu planoj reikuot treis daļuos. Pirmajā daļā Varakļanu estradē paradzāts bārnu koncerts, kurā uzastuos radūšuo grupa “Vokāls”. Ūtrajā daļā skateituojus prīcēs Baļtinovys pogosta dramatiskais kolektivs “Palādas” ar Anitas Ločmeles komediju “Ontons i Anne”. Plkst.22:00 nakts bals ar grupu “Borowa MC”.

Daugavpilī ir atjaunuotys eislaiceiguos aizturiešonys izolatora telpys. Remondorbi izmoksova aptuveni 50 000 latu. Tagad izolatora telpys gandreiž piļneibā atbilst praseibom, tuos ir klivušs gaišuokys, apreikuotys ar praseibom atbilstūšu virtuvi, tualeti i dušom. Remontu veice Daugavpils būvfirma SIA “Onikss MK”. Leidzekļus ituom vajadzeibom pīškiere Valsts policija.

Rēzeknē byus satiksmys īrūbežujumi pīminekļa “Vienoti Latvijai” atjaunuooanys 15.godskuortys pasuokumā. No plkst.10 līdz 12 satiksmei tiks slāgts Atbrīvošanas alejas pūsms nu Nikodema Rancāna īlys da Bruoļu Skrindu īlai, bet tylta (Dārzu ielā) remontdarbi tiks puortraukti, lai nūdrūšinuotu satiksmes plyusmu pa Duorzu īlu.