Papyldu vilcīņs iz Aglyunu 14.augustā

Iz Aglyunas Vyssvātuokuos Jaunavas Marijas Dabasūs uzjimšonys svātkim tradicionali tiks nūreikuots papyldu dizeļvilcīņs. Ūtardiņ, 14.augustā, papyldu vilcīņs Reiga-Daugavpiļs-Aglyuna, kura sastuovā byus treis vagoni, Reigas stacejā tiks apvīnuots ar vilcīņa Reiga-Krystpiļs sastuovu. Apvīnuotais vilcīņs nu Reigas stacejas 8.ceļa atīs 15:25 i Aglyunā byus 8:17.

Šudin Jiekabpils rajona padūmes siedē pošvaldeibas deputati lems par prīškfinansejumu projektam “Gimeņu un uorpusgimenes alternativas apryupes atbolsta un krizes centra izveide uz Jiekabpils rajona pašvaldeibas agenturas “Bāreņu nams “Līkumi”” bāzes”.

Sadarbeibā ar Taivanas puorstuovnīceibu Latvejā 10.augustā trejūs pecpušdinē Latgolas Kulturviesturis muzeja Izstuožu noma 1.stuova zalā tiks atkluota pasauļa bārnu zeimiejumu ceļojūšuo izstuode “Varavīksnes tilts”. Bārnu zeimiejumu izstuodē byus apsaverami 95 školānu dorbi nu 40 valstim (tymā skaitā ari nu Latvejas i Lītovas), kas bejuši gūdolguoti ar medaļom i diplomim ikgadiejā Taivanas starptautiskajā školānu muokslas konkursā. Konkursa žurejā puorstuovūti vysaidu valstu muokslas zinuotnīki i muokslinīki. 2006. godā īsyuteitūs dorbu skaits puorsnīdze 30000 nu 60 valstim.

Šudin Autotransporta inspekceja dūs simbolisku startu inspekcejis kontrolis vīneibom, kas tuoļuok bez Valsts policejas paleidzeibas veiks autobusu i kravys transportleidzekļu kontroli, kab puorbaudeitu autopuorvoduojumu atbilsteibu normativūs aktu praseibom.

Šudin Daugavpils dūmis siedē pošvaldeibas deputati lems par atbolstu projektam “Par nodarbināšanu vasaras brīvlaikā”, Kūpumā itamā dūmis siedē paradzāts izskateit 37 dorba kuorteibas vaicuojumus.

Beidzamajā dīnnaktī kravys mašynu rynda iz Latvejas – Krīvejas rūbežas palikuse gondreiž namaineiga. Itūreit Terehovā izbraukšonu nu valsts gaideja 800 kravys mašynas. Tik pat mašynu ryndā gaideja ari vakar. Sovukuort Grebņevā izbraukšonu nu valsts itūreit gaideja 460 kravys mašynas, kas ir par 10 mašynom mozuok nakai ūtrdines reitā.

13.augustā, Cirstu muižā nūtiks pīktais Latvejas muižu puorstuovu turnirs, kuram dazasacejuš 18 muižas. Turnirs suoksīs ar paradu, pec kura vydslaiku ceiņu muokslas apgiušona, mārojūt spākus šaušonā ar arbaletu, gryužūt lūdi kai vydslaikūs i matūt ciervi.

Laika prognozs šudinei: Austrumu viejs 5-7 m/s., maksimaluo gaisa temperatura dīnā +24…+30°.