Byutiski pīauguse kravys automašynu rynda iz Latvejis – Krīvejis rūbežys
![](https://lpr.gov.lv/wp-content/uploads/2005/dezuratteli/79.jpg)
Šudiņ pl. 10. 00 Ludzys rajona padūmys telpuos i pl. 13.00 Rēzeknis Gīmines atbolsta centrā nūtiks pyrmuo rajonu jaunīšu tikšanuos ar projekta “Motivacejis programma Latgolys regiona jaunīšu integracejai dorba tiergā” vadeibu. Mierks ir īpazeistinuot jaunīšus ar īspiejom pīsadaliet projektā, kura gaitā vysi 80 jaunīši nu Latgolys sajims individualys psihologa un karjeris centra specialista konsultacejis, kas paleidzēs drūšuok i puorlīcinuošuok izvaielēt, pa kuru profesionalū ceļu dūtīs i kaidu nūsadorbuošonūs izavielēt. Īgyutuos prasmys jaunīši nūstiprinuos praksē Latgolys rajonu pošvaļdeibuos, uzjāmumūs, īstuodēs i navalstiskajuos organizacejuos.
Nu šudinys da 17. augustam Bolvūs nūtiks vosorys nūmetne bārnimj i jaunīšim “Kai myusym – tik dažaidim – sadzeivuot?”, kas organizieta Eiropys Savīneibys i Bolvu piļsātys dūmys finansietuo projekta “lai atškireigais vīnuotu!” gaitā. Nūmetnis mierks ir veicinuot 14- 25 godus vacu bārnu i jaunīšu etniskū integraceju ar kulturys strapnīceibu. Planuots, ka bārnu i jaunīšu fotografejis vāluok tyks izdūtys atkluotņu komplektā. Nūmetnei dasasacejušs 43 daleibnīki nu Bolvu latvīšu plyusmys i muozuokumtauteibys šķolom.
Tuvojūtīs Vyssvātuokuos Jaunovys Marejis dabasūs uzjimšonys svātkim Aglūnā i gaidūt svātceļnīkus, šudiņ dorbu uzsuok Aglūnys bazilikis informacejis centrs. Tymā svātceļnīki varies registrietīs i īgyut sev napīcīšamū informaceju. Kūpumā sūgod iz svātkim Aglyunā plānovušs dūtīs 19 registrātys vātceļnīku grupys nu dažaidom Latvejis vītom, nu svātceļojumā dūduos ari grupys , kas nasaregistrej.
Šudiņ pl. 11 Bolvūs svineigi tyks atkluota publiskuo paldvīta Bolupys upys krostā. Tei ir 70 m gara i 20 m plota. Īreikojūt publiskū paldvītu, tyka veikti upys i krosta teiriešonys i gultnys padziļinuošonys i citu dorbi, kai ari īreikuots volejbola laukums. Bolvu pošvaļdeibai projekta realizaceja izmaksovuse 12 000 latu.
Jākubpiļē , Reigys īlā, gaidoma vierīneiga ītvju, pīturvītu renovaceja. Lelū projektu, kura aptuvenuos izmoksys ir 134 tyukstužys latu, realizies treis pūsmūs.