Vaļsts prezidents Valdis Zatlers apmeklēs Latgali
Reit i aizreit Vaļsts prezidents Valdis Zatlers apmelēs Latgali. Tai informē vaļsts prezidenta kancelejā. Reit Zatlers gasteis Ludzys rajonā, kur apmeklēs Ludzys rūbežsardzis puorvaļdi, Ludzys Nūvadpietnīceibys muzeju, bet vokorpusē paradzāta īsarašona Mērdzenē, piečuok arī ludzānīši i piļsātys gosti dzierdēs Vaļsts prezidenta uzrunu Ludzys piļsātys svātkūs, sastdiņ prezidents apmeklēs Opuļu i Terehovys rūbežpunktu, tuoļuok vaļsts prezidets turpynuos vizeiti Kruoslovys rajonā.
Šudiņ Daugavpili apmeklēs Latvejis īpašu uzdevumu ministrs sabīdreibys integrācejis lītuos Oskars Kastēns, Gruzejis vaļsts pylsūniskuos integrācejis ministre Zinaīda Bestajeva i juos biroja vadeituojs Davids Pitskhelauri. Vizeitis laikā amatpersonom paradzāta tikšonuos ar Daugavpils dūmis vadeibu i Naturalizācejis puorvaļdis Daugavpils reģionāluos nūdaļis puorstuovim.
Šudiņ Lelbritānejis viestnīceibā Reigā apbalvuos školys par paveiktū, samazynojūt ītekmi iz vidi. Lelbritānejis viestnīceiba sadarbeibā ar projektu “Pādys” izraudzejus sešys Latvejis školys, tūstarp arī Brīžucīma pamatškolu Balvu rajonā. Uzvarātuojis tyka nūskaidruotys, izsludinojūt konkursu “Zaļuo treiscīņa”, kura laikā školāni samazynuoje školys ekoloģiskū “pādu”, veicūt pavysam vīnkuoršys i sadzeiviskys darbeibys.
Šudiņ divpadsmitīs Daugavpils autoūstā Īpašu uzdavumu ministra sabīdreibys integrācejis lītuos sekretariāts prezentēs Eiropys Vīnaidu īspieju goda autobusu. Kab nastu vīnaidu īspieju ideju cylvākim vysā Latvejā, vairuotu izpratni i mozynuotu diskrimināceju. Vīnaidu īspeiju goda pasuokumi nūtiks vysūs četrūs Latvejis nūvodūs – Zemgalē, Kurzemē, Vidzemē i Latgalē.
Da 4. augustam Riezeknis rajona Rogovkā nūteik Latgolys Studentu centra (LgSC) reikuotais starptautiskais izgleitojūši izklaidejūšais seminars jaunīšim „Atzolys”.
Pīsadola na tikai jaunīši nu Latgolys, bet ari Sibira latgalīši. Nūmetnis laikā jaunīši var dazynuot vaira par latgalīšu volūdu, literaturu, folkloru, Latgolys geograpeju, ekonomiku i kulturysviesturi, kai ari īsapazeis ar ekspediceju iz Sibiri.