“Rēzeknes autobusu parks” iz laiku atceļ vairuokus maršrutus
“Rēzeknes autobusu parks” leigumsaisteibu izpildis problēmu dieļ nu šudines da 31.augustam teik atcalta daļa Riezeknis rajona maršrutu, vīns reiss teik atcalts iz vysu laiku. Jau ziņūts, ka Riezeknis rajona padūmes pasažiru puorvadojumu komisejas uorkuortas siedīs ir izskateits vaicuojums par “Rēzeknes autobusu parka” apkolpūtū maršrutu optimizāceju.
Šudin vīnpadsmitūs Riezeknis rajona padūmis siežu zālī nūtiks Latgolas pluonūšonas reģiona atteisteibas padūmis siede, kuramā paradzāts diskutiet par ceļu izturiešonas struktūrvīneibu izvītojumu Latgolā. Asūšajā situācejā, kod ceļu izturiešonas rajoni izvītūti tikai Daugavpilī i Riezeknē, pošvaldeibom ir problēmas izmontūt ceļu izturātuoju pakalpojumus i daīt vaicuot alternatīvus risinuojumus ceļu izturiešonas nūdrūšinuošonai.
Saskaņī ar Daugavpils reģionāluo sabīdriskuo pakalpojumu regulatora lāmumu nu šudinas Daugavpilī stuojas spākā jaunī siltumenerģejas tarifi. Nu šudines moksa par megavatstundi siltumenerģejas svuorsteisīs nu 24,55 da 33,04 latu bez PVN. Itamā šaļtī moksa par megavatstundi siltumenerģijas atkareibā nu mazuta kotācejas svuorstuos nu 22,11 da 23,43 latu bez PVN par megavatstuņdi.
Bolvu slimneicā iz mediķu i personāla atvaļinuojumu laiku nu šudines iz vīnu mienesi sliegs Bārnu nūdaļi. vajadzeibas gadīnī bārnus paradzāts izjemt Infekceju nūdaļī. Slimneicas nūdaļu sliegšona i pacientu plyusma ir saskaņūta ar sābru rajonu slimneicom Gulbenē, Alyuksnē ci Riezeknē atkareibā nu pacienta dzeivesvītas.
Šudin ekonomikas ministrs Jurijs Strods īsarass dorba vizeitē Jiekabpili.Vizītes laikā paredzēts tikties ar Jēkabpils pilsētas domes priekšsēdētāju Leonīdu Salceviču un uzņēmējiem, ar kuriem paredzēts pārrunāt Eiropas Savienības (ES) struktūrfondu apguves aktualitātes.