Dagdys piļsāta sviņ 15 godu jubileju
Nu šudines da 28.juļam Dagdā nūtiks piļsātys statusa pīšķieršonys 15 godu jubilejis pasuokumi. Šudin divejūs piecpušdinē Dagdys tautys noma izstuožu zalā tiks atkluota izstuode “Pilsēta un pilsētnieki fotogrāfijās” i byus sazatikšona ar žurnalistim Annu Rancāni i Inesi Baranovsku.da 29.juļam Sūmejis piļsātā Ekenā nūteik Eiropys tautu festivals, kuramā Latveju puorstuov Rēzeknis piļsātys kolektivi – kapella “Dziga” i dzigu kūpa “Vadži”. Rēzeknīši festivalā pīsadola trešū godu piec kuortys. Itūgod festivalā pīsadola 17 Eiropys vaļstu puorstuovi.
28.juļī Preiļu rajona Rībiņūs nūtiks bīdreibys “Preiļu rajona partnerība” organizātais pasuokums “Netradicionālās Latvijas kopienu spēles 2007”, kuruos nūteik ūtrū godu, i itugod sovu daleibu pasuokumā dasacejusi 21 komanda. Pasuokuma devize -“Ja munejais sābrs dzeivuos labi, tod ari es dzeivuošu labi”.
Beidzamajā diīnaktī druksu samozynuojus kravys mašynu rynda iz Latvejis i Krīvejis rūbežys Terehovys rūbežkontrolis punktā, bet pīauguse – Grebņevys rūbežkontrolis punktā. Itureit Terehovys rūbežkontrolis punktā ryndā gaida 730, bet Grebņevā – 500 mašynys.
Nūdorbynuoteibys vaļsts agenturys organizātū vosorys dorbu pyrmajā mienesī ir puortraukuši gondreiž symts školāni nu kūpumā vaira kai četrom tyukstūšom nūdorbynuotūs jaunīšu. Vysbīžuok dorbs puortraukts, deļ tuo ka školāns nav gribiejs turpynuot struoduot voi ari vīnkuoršai nav nuocs iz dorbu. Krītni mozuok ir školānu, kas dorbu puortraukuši naveseleibys dieļ voi ari saimis apstuokļu dieļ
Ituo goda pyrmajā pusgodā 16 autoškolys izruodejušys 100 procenteigu audziekņu sekmeibu vaļsts teoretiskajūs eksamenūs. Ituos autoškolys kūpumā sagatavejušys 97 autovadeituojus. Sovukuort pīcys autoškolys izruodejušys 100% nasekmeibu – itū školu kursanti eksamenus kuortojuš devenis reizis i ni reizis nav nūkuortuojuši.
Šudin suoknās kampaņa “Pīzvoni sovam bārnam tiuleņ”, kurā tiks uzsvārta vacuoku uzmaneibys nūzeime bārnu audzynuošonā. Ar kampaņu vacuoki grib rūsynuot Latvejis sabīdreibu pīvierst uzmaneibu pīaugušū attīksmei pret sovejim bārnim i veicynuot pozitivu bārnu audzynuošonys praksi Latvejā, rūsynuot vacuokus aizdūmuotīs, kaidys sakys var byut jūs paviršai attīksmei pret bārnim.
