V.Zatlers iz Briseli

Šudiņ (17.07.2007.) Vaļsts prezidents Valdis Zatlers dūnās dorba vizitē iz Briseli, kur paradzāta tikšonuos ar Eiropys Komisejis prezidentu Žozē Manuelu Barrozu, NATO generalsekretaru Jāpu de Hopu Šeferu, kai arī ar Eiropys Savīneibys energetikys komisaru Andri Piebalgu.

Vakar suokusīs dokumentu pījimšona Latvejis Muokslys akademejis Latgolys filialā. Pyrmajā dokumentu pījimšonys dīnā sajimti treis studietgrybātuoju īsnīgumi, nu kurim diveji pīteikumi sajimti studejom gleznīceibā i vīns – tielnīceibā. Pabeidzūt studejis, Latgolys filiāla studenti īgiust humanitarūs zynuotņu bakalaura gradu muokslā kaidā nu četrom vizuali plastiskuos muokslys apakšnūzarem – glaznīceibā, grafikā, tielnīceibā voi tekstilmuokslā. Īstuojeksameni īplanuoti nu 23.da 27.juļam. Itūgod Latgolys filialā paradzātys 12 budžeta vītys.

Vysi autovadeituoji, kas vakar, protestējūt pret garajom ryndom, ar sovim transporta leidzeklim blokēja celi, tiks administrativi struopeiti ar 20 latu naudys struopi. Īkšlītu ministra Ivara Godmaņa padūmnīks Krists Leiškalns saceja, ka itaidys darbeibys ir aizlīgtys i natiks pīļautys. Ja autovadeituoji najims vārā policistu nūruodejumus i naatbreivūs celi, tūs struopeis ari par napakļaušonūs policejai.

Beidzamajā dīnnaktī kravys mašynu ryndys iz Latvejis i Krīvejis rūbežys ir sasamazynuojuš. Itūreit Terehovys rūbežkontrolis punktā ryndā gaideja 900 smoguos i 40 vīgluos mašynys, bet Grebņevā izbraukšonu nu vaļsts gaideja 310 kravys mašynys. Saleidzynojumam vakar Terehovā ryndā gaideja 1082 kravys mašynys, bet Grebņevā – 490.

Jiekabpiļs pilsātys dūmes interneta sātyslopa “www.jekabpils.lv” tyka atzeita par vīnu nu finalistim konkursā “Eiropas e-pārvaldes balva 2007”. Jiekabpils pošvaldeibys elektroniskais resurss nominacejā “Lobuokī publiskī pakolpojumi izaugsmei i dorbam” tyka īkļauts starp septenim īveiciejim (Latveja, Portugāle, Beļgija, Spāneja, Čeheja, Nīderlande, Franceja), kas 20.septembrī Portugālis golvyspiļsātā Lisabonā varies prezentiet pošvaldeibys interneta sātyslopys elektroniskūs pakolpuojumu īspiejis.

Šudin Ūzūlaines pogosta Bekšu feldšerpunktā nūtiks donoru dīna.
Jau ziņuots, ka nu 1.da 31.juļam Vaļsts ašņadonoru centra Latgolys filialā nūteik akceja “Tu pyrmais vari paleidziet!” Akcejis laikā ikvīns donors, kurš īsarass zīduot ašni Valsts ašņadonoru centra Latgolys filialā, duovonā sajims duovonu karti.

Laika prognozs šudinei Latgolā. Nalels muokiuņu daudzums. Bez nūkrišnim. Dīnā austrumu, dīnvidaustrumu viejs 3-8 metri sekundī. Maksimaluo gaisa temperatura dīnā +26; +28