10 julī nūtyka LPRAP sēde
Latgolys planuošonys regiona atteisteibys padūmis (LPRAP) sēdē vakar nūlamts aicynuot Veseleibys ministreju školuos īvīst profilaktiskuos veseleibys puorbaudis. Sēdē apstyprynuots ari Latgolys planuošonys regiona 2006. goda publiskais puorskots, nūlamts lyugt Satiksmis ministrejai papyldu finansiejumu regiona 1. i 2. šķirys ceļu uzturiešonai.Šudiņ Preiļu rajona padūmē projekta “Pasaulis sīna” eistynuotuoju reikuotuo presis konference, lai informātu par parka “Pasaulis sīna” uzbyuviešonys vītu. Interesenti īpazeistynuoti ar izvālātū zemis gobolu i tuoluokajim projekta atteisteibys etapim. Presis konferencē daleibu jem “Wall of the World” projekta eistynuotuoji, Preiļu rajona Rudzātu pogosta prīkšsādātuojs Jānis Zeps i Latgolys planuošonys regiona prīkšsādātuojs Andris Vaivods.
Šudiņ Rēzeknē dorba vizitē īsarūn ekonomikys ministrs Jurijs Strods. Ministra vizite Rēzeknē suocēs ar SIA “Alba Ltd” apmekliejumu. Vāluok tikšonuos Rēzeknis piļsātys dūmē, kur nūtiks diskuseja par piļsātys atteisteibys perspektivom. Turpynuojumā Rēzeknis uzjāmumu apmekliejumi. Jurijs Strods gastej uzjāmumūs RSEZ A/S „Rebir” un RSEZ A/S „Verems”. Apmeklēs arī Rēzeknis Augstškolu i 5. vydsškolu, kur nazkod vuicejīs.
Šudiņ Daugavpilī, SIA “Hotel Dinaburg” konferenču zalā, nūtiks aluminija konstrukceju ražuotnis byuvnīceibys īceris prezentaceja. Līpuojā registrātuo AS “UPB” īceriejuse Daugavpilī, Spaļu īlā 4, izvītuot lūgu i alumineja konstrukceju ražuotni, kuramā planuots taiseit lūgu i alumineja konstrukcejis byuvnīceibys vajadzeibom. Ražuošonys apjūmi lelā mārā byušūt atkareigi nu pīprasejuma i nūīta tierga
Vakar valdeiba apstiprynuoja kompansaceju izmoksu 9178 latu apmārā četrom pošvaļdeibom, kurom nūdareiti matereialī zaudiejumi saisteibā ar ituo goda martā Baltkrīvejā nūtykušuos dīzeļdegvīlys nūplyudi. Daugavpiļs piļsātys dūmei tiks pīškierti 2666 lati, Kruoslovys rajona padūmei – 2851 lats, Aizkrauklis rajona padūmei – 2989 lati, bet Vecsalīnys pogosta padūmei – 672 lati.
