Aizdūmys par meningita virusa izplateibu
Aizdūmuos par meningita virusa infekciju hospitalizati jau diveji Rēzeknis rajonā dzeivojūši bārni. Jamūt vārā faktu, ka kaimiņu rajonūs – Daugavpiļs i Kruoslovys – jau ir suokusīs meningita virusa izplateiba, Rēzeknis mediki pastiprynuoti pīvierš uzmaneibu pacientim, kas vieršnās piec mediciniskuos paleidzeibys.Šudiņ suokas nūmetne “Vīnuoti atškireibuos!” Rēzeknis rajona bārnim nu daudzbārnu i moznūdrūšynuotajom saimem, kai ari bārnim ar specialajom vajadzeibom. Nūmetne īdūmuota, kab bārni, kurim ar veseleibu vyss ir kuorteibā, radzātu, ka iz ituo pasauļa ir ari atškeireigi cylvāki, vuiceitūs tīm paleidzēt, draudzietīs i saprast cytam cytu .
Šudiņ Jiekabpiļs dūmis siedī pošvaļdeibys deputati lems par finansejuma pīškieršonu piļsātys tenisa čempionatam. Augustā – septembrī tenisa klubs “Noras” planoj sareikuot Jiekabpiļs čempionatu tenisā i lyudz pošvaļdeibai finansiali atbalsteit itū pasuokumu ar 500 latim.
Nu šudinis kotru caturtdīni Latvejis Televizejis 1.kanalā byus apsaverams dokumentalūs raidejumu cykls “TEritorija. 20+”, kas viesteis par cylvākim Latvejis regionūs. Raidejumu cyklā byus četri dokumentali stuosti par jaunim cylvākim, kuri dzeivoj Latvejis nūvodūs i kuri par sevi var saceit, ka jūs teritoreja ir Latvejis laukūs. 19.julī byus raidejums par Latgolu.
Ludzys piļsātys sporta hallē pošlaik nūrit syltynuošonys dorbi, greidu izbiuve i fasādis apdaris dorbi. Leidz itam jau ir izbiuvāti visi teikli – iudiņsvods, kanalizaceja, īstykluota daļa lūgu, pa daļai iereikuots jumts. Leidz rudiņam planuots sakuortuot hallis uorpusi, lobīkuortuot apkuortnis teritoreju. Zīmā paradzāts veikt tikai atlykušūs īkšdorbus.
