Kruoslovā Juoņu puču izstuode
![](https://lpr.gov.lv/wp-content/uploads/2005/dezuratteli/79.jpg)
Rēzeknes augstškolā 2007./2008.vuiceibu godā uzjems studentus treis jaunuos studeju programuos “Mehatronika”, “Karjeras konsultants” i “Socialais rehabilitātuojs”, par studeju moksys apstyprynuošonu itam vuiceibu godam lemts ituo goda aprelī, i tei palelinuota vidieji par 100 latim.
Ludzys piļsātas 830.jubilejis svātkus svinies treis dīnys – 3.augustā (Jaunīšu dīnā), 4.augustā (Tautys sadraudzeibys dīnā) i 5.augustā (Ludzys dīnā), – dzeivuotuoji i piļsātys gosti viersīs koncertus, izvadumus, uguņuošonu i pīsadaleis parada guojīnī, sporta aktivitatēs i aizlyugumā Svātajā Misē.
Ar Vitebskys breivuos ekonomiskuos zonys administracejis vadeituoja pyrmū vītnīku prīškgolā Daugavpili šudiņ apmeklies Vitebskys uzjāmumu i Vitebskyas marketinga centra puorstuovi.
Jī tiksīs ar Daugavpiļs dūmis prīšksiedietuoju Ritu Strodi i Daugavpils izjiemiejim, kurim ir interese par uzjiemiejdarbeibys īspiejom Boltkrīvejā i kūpeigim biznesa projektim, kai ari īsapazeit ar biznesa īspiejom piļsātā.
Rēzeknis piļsātys dūmis Finanšu i budžeta komiteja šudin lems par leidzekļu pīškieršonu, kab daleji sagtu izdavumus izdemolātūs vacticeibnīku kopu teritorejis sakūpšonai. Latgolys radeja jau ziņova, ka Rēzeknē naktī iz 4.juni vandali izdemoliejuši vacticeibnīku kopus Siņicina īlā 4. Kopsātā apguozti voi samaituoti 96 kopu pīminekli, nūpūsteitys pīcas kopu pamatnis i samaituoti pīci krysti
Bolvu slimineicā iz mediķu i personāala atvalinuojumu laiku nu šudinis iz vīnu mienesi sliegs Infekceju nūdali, nu 1.juļa – Dzemdeibu nūdali, bet nu 1.augusta – slimineicys Bārnu nūdali. Augustā vajadzeibys gadejumā bārnus paradzāts uzjemt Infekceju nūdalī, kas tymā laikā jau byus atsuokuse dorbu.
Šudin Jiekabpilī paradzāts pošvaldeibys izsludynuotais daiļduorzu konkurss “Atpyutys vīta munejā duorzā i Jiekabpiļs Gaisa duorzi”, Daiļduorzu Konkursa komiseja vierteis sabīdriskūs kuormu, individuālūs sātu, dzeivūkļu lodžeju i balkonu nūformejumu. Pretendentus var izvirzeit i dasaceit īlu komiteju prīkšsiedietuoji, pošvaļdeiba, daudzdzeivūkļu sātu vacuokī, kai ari sevkurs Jiekabpiļs dzeivuotuojs. Dasacejumi konkursam juoīsnādz Jiekabpiļs piļsātys dūmē “Vīnys pīturys agenturā” da 1.juļam. Konkurss beigsīs 1.septembrī.
Itālejis piļsātys Milanys lidūsta vakar reita agrumā iz trejom stuņndem beja puortraukuse dorbu, kab kuortējū reizi izkertu začus, kas tī savairojušīs tik lelā skaitā, ka traucej lidūstas dorbu. Ituo pasuokuma dēļ tyka puorcalti 12 reisi. Kūpumā izadeve nūgiut 57 začus i četrus sovvaļis truseišus, kas tyka aizvasti iz tyvejū rezervatu i otkon palaisti valī.
Laika prognozs šudinei Latgolā. Dīnā eislaiceigs leits, pārkiuņa nagaiss. Dīnvidrītumu viejs 4-9 m/s, pārkiuņa laikā brāzmuos 14 m/s. Maksimaluo gaisa temperatura +19…+21