Leluokais ryupnīciskais īguldejums Rēzeknis rajonā beidzamūs 15 godu laikā
Šudiņ pl.13:00 Daugavpils dūmis mozajā zālē 35 Daugavpils i 5 Daugavpils rajona īdzeivuotuoji sajims Ministru kabineta reikuojuma izrokstus par uzjimšonu pilsūneibā naturalizacejis kuorteibā. Pasuokumā daleibu jims i jaunūs pilsūņus sveiks Naturalizacejis puorvaļdis Daugavpiļs regionāluos nūdaļlis darbinīki, Saeimys deputāts Juons Dukšinskis, Daugavpiļs dūmis i Daugavpiļs rajona padūmis puorstuovji.
Šudiņ Rēzeknis dūmis sēdē deputati lems par golvuojumu pošvaļdeibys SIA „Rēzeknis slimneica” 525 tyukstušu latu kreditam, kas vajadzeigs ERAF projektam „Naatlīkamuos mediciniskuos paleidzeibys pīejameibys i infrastrukturys uzlobuošona”.
Rēzeknē nūteik Rēzeknis rajona padūmis, Latgolys kulturviesturis muzeja i Tautys Lītišķuos Muokslys Studejis „Rēzeknis apriņķa pūdnīki” organizāts pasuokums – meistardarbneica „Latgolys keramikys atteisteibys tendencis”, itys pasuokums nūteik projekta „Latvejis-Lītovys pīrūbežys kulturys dzeivis boguotynuošona ar tradiceju apmaiņu” ītvorā.
Nu šudinis Rēzeknis rajona padūmis Izgleiteibys puorvaļdis jaunatnis dorba specialiste Inga Drele i Viļānu vydsškolys školāns Armands Lagons pīsadola starptautiskā seminarā Grīkejā. Itymā seminarā jī stuosteis par Rēzeknis rajona jaunatnis aktivitatem i aktualitatem.
Nu šudineis da 10.juņam Rēzeknis rajona oficialuo delegaceja i Maltys pogosta tautys muzykys instrumentu ansamblis „Malta” pīsadola starptautiskajā muzykys i muokslys festivalā Boltkrīvejā „Skaņ cimbalys i ermonikys”.
Šudiņ nūteik īskanis kancerts Tautys muokslys i muzykys svātkim, kurī nu šudiņdīnys da 10. juņam nūteik Rēzeknis piļsātā i rajonā. Starptautiskū tautys muokslys, muzykys i kulturys montuojuma svātku īskanis koncerts Strūžānu kulturys nomā i Viļānu Latksteigolu solys estradē, daleibu jam na tikai pošu sātys folklorys kūpys, kuori i dzigu kolektivi, pyušamūs instrumentu orkestri, bet ari gosti nu Krīvejis i Boltkrīvejis.
Šudiņ Daugavpilī turpynojās piļsātys svātku „Mounejuo piļs – Daugavpiļs” pasuokumi, pl.15.00 Daugavpiļs dūmis konferenču zalā suoksīs Daugavpils sadraudzeibys i sadarbeibys piļsātu forums, kuramā tiks prezentāti nūzeimeiguokī atteisteibys projekti Daugavpilī i sadraudzeibys piļsātuos. Bet vīsneicā „Park Hotel Latgola” nūtiks ituos sezonys beidzamuos izstuodis atkluošona, pl.17:30 atkluos Džemmys Skulmis izstuodi „Variaceja par Velaskeza temu” i Dītera Penceka izstuodi „Muokiuņu sīvītis”. Bet septeņūs laukumā pi Daugavpils Universitatis suoksīs Oskaram Strokam veļteituo projekta „Muzyka, kas vīnoj” pasuokumi.
