Leita rezuļtatā Daugovā otkon ir naftys produkti
Daugovā īvāruotais naftys produktu pīsārņuojums ir ūtrreizejs i upē nūnuocs tikai leita rezuļtatā. Apsekuošonys rezulļtatā izaruodie, ka naftys produktu pīsārņuojuma daudzums ir mozeņš, mozkusteigs i puorsvorā atsarūnās pi Daugovys krostim. Vaļsts vidis dīnesta generaldirektors Vilis Avotiņš nūruodie, ka pīsārņuojuma daudzums ir tik mozs, ka bonys varie arī nauzstuodiet.Vakar iz Daugavpiļs šosejis kravys i vīgluos automašynys sadūrsmē būjā guoja četri cylvāki. Tragiskais nagadejums vakar pus vīņpadsmitūs nu reita nūtyka Daugavpiļs šosejis 83.kilometrā. Nu giutajom traumom nūtykuma vītā myra mikroautobusa vedeituoja i treis pasažiri. Piec suokūtnejuos informacejis, tyka pīļauts, ka ceļu satiksmis nagadejumu izraisejs kaids agresivai braucūšs “BMW 316” vadeituojs, kurais nu nūtykuma vītys aizbrauce. Vāluok vokorā itys automašynys vadeituojs tika atrosts i jam nūformāts administrativuo puorkuopuma protokols par agresivu braukšonu.
Piec Leivuonu nūvoda īdzeivuotuoju īrūsinuojuma iz Draudzis kopim atsuoks kursēt pošvaļdeibys mikroautobuss, lai pīdereigī varātum nūkliut kopūs i apkūpt tuvinīku atdusys vītys.
Rēzeknis piļsātys Izgleiteibys puorvaļdis izsludynuotajā konkursā par leidzfinansiejuma pīšķieršonu jaunatnis iniciativu projektim 2007.godā atbaļsteiti i tiks realizāti ostoni projekti. Konkursa mierkis ir atbaļsteit Rēzeknē dorbuojušuos audziekņu pošpuorvaļdis, pošvaļdeibys jaunīšu navaļstiskuos organizacejis, jaunīšu klubus, jaunīšu interešu grupys. Rēzeknis piļsātys Izgleiteibys pīšķiertais leidzfinansiejums atbaļsteitajim jaunatnis iniciativu projektim ir 3000Ls.
