Makašānūs latgalīšu folklorys festivals “Pulkā eimu”
Šudiņ Rēzeknis rajona Makašānu omotu vydsškolā Latgalīšu folklorys festivals “Pulkā eimu”. Festivalā daleibu jam 11 folklorys kolektivi gan nu Viļānu, Rykovys, Maltys, Gaļānu, Muokūņkolna, Makašānim, Nautrānim, Feimanim. Kolektivi na tikai sasadzīduos i sasadoncuos, bet ari varēs apsavērt bārnu dorbu izstuodi, mozeņkā ekskursejā īsapazeit ar Makašānu omotu vydsškolu, kai ari uzzynuot daudz jauna par folklorys kolektivu darbeibu.Šudiņ Jākubpiļa rajona padūmis ākā (pl.11:00) nūtiks pošvaļdeibys reikuota konfesence “Augstuokuos izgleiteibys i regionaluos atteisteibys mijsakareibys”. Konferencē Agrobiznesa koledža i četrys augstškolys, kuru filialis izvītuotys piļsātā – Baltejis starptautiskuo akademeja, Psihologejis augstškola, Biznesa augstškola “Tureiba”, kai arei Reigys Redagogejis i izgleiteibys vadeibys augstškolys, Latvejis Pošvaļdeibu savīneibys, Latvejis investiceju i atteisteibys agenturys, Izgleiteibys i zynuotnis ministrejis, kai ari regionaluos atteisteibys i pošvaļdeibu lītu ministrejis puorstuovi prezentēs sovu redziejumu, kas saisteiti ar augstuokuos izgleiteibys i regionaluos atteisteibys mijīdarbeiju, pašreizejom tendencem i nuokūtni.
Šudiņ Rēzeknē gastej Ukrainys viestnīceibys konsuls Latvejā Jevgenijs Šendrikovs. Iz tikšonūs aicynuoti ukraiņu diasporys puorstuovi i visi, kurus interesej vaicuojumi par Ukrainys pašu izsnīgšonu, piļsūneibys īgiušonu, notariata lītom i.c.
Šudiņ Rēzeknis pošvaļdeibys darbinīki sadarbeibys i pīredzis apmainis braucīnī gastej Valmīrā, informej Rēzeknis dūmis sabīdriskūs attīceibu nūdalis vadeituoja Diāna Zirniņa. Vizite teik reikuota, kab sakmātum obu vaļstu savstarpejū pīredzis apmaiņu jamūt vārā Valmīrys sekmeigū atteisteibu tīši nakustamūs īpašumu apsaimnīkuošonys jūmā i sadarbeibā ar īdzeivuotuojim.
Rēzeknē šudiņ četrūs piecpušdinē atpyutys centrā “Ziemeļblāzma”, Rēzeknis piļsātys izgleiteibys puorvalde sadarbeibā ar Rēzeknis piļsātys jaunīšu dūmi organizej ikgadejū tradicionalū jaunīšu muzikalū paruodi “Manc Akorc”. Pasuokums nūtiks divejuos daļuos – pyrmajā – muzykaluo paruode-konkurss, ūtramā – uzastuos rokgrupa “Superhuman”.
Šudiņ Daugavpiļs muzykys vydsškolā nūtiks franču vokaluos muzykys koncerts “Franču romantiskuos muzykys pērlis”. Koncerts teik reikuots Daugavpilī nūteikūšuo festivāla “Francejis pavasars Latvejā 2007.godā” ītvorā.
