Rēzeknī suoknās spūdreibys mieness
![](https://lpr.gov.lv/wp-content/uploads/2005/dezuratteli/79.jpg)
Turkluot Rēzeknis piļsātys izguoztuvē “Ritiņi” itymā laikā atkrytumus nu īdzeivuotuojim, kurī tūs atvess ar vīglū mašynu pīkabem, pījims bez moksys. Sovukuort nu organizacejom, uzjāmumi i īstuodem atkritumus pījims ar 50% atlaidi.
Šudiņ Augstuokuo tīsa skateis kriminallītu par 9. Saeimys vieliešonu biletenu vyltuošonu Bolvu rajona Kubulu pogostā apsyudzātuos Veras Litviņecas syudzeibu par jai pīmāruotū drūšeibys leidzekli – apcītynuojumu. Latgolys apgoboltīsa 15.martā Litviņecai kai drūšeibys leidzekli pīmāruoja apcītynuojumu, deļ tuo ka apsyudzātuo naīsaroda iz tīsys sēdi.
Pošlaik Litviņeca uorstejās psihoneirologiskajā slimineicā Strenčūs.
Rēzeknis dūme nūlāmuse pīškiert leidzekļus Socialuos apryupis puorvaļdei projekta aktivitašu eistynuošonai Pensionaru socialuos apryupis centrā i pierts apmekliejumu kompensiešonai piļsātys tryuceigajim īdzeivuotuojim, tai Latgolys radeju informeja Rēzeknis dūmis sabīdriskūs attīceibu nūdalis vadeituoja Diāna Zirniņa. Leidz ar tū pamatbudžetā nu leidzeklim naparadzātim gadejumim Socialuos apryupis puorvaļdei pīškiertys 4582 latu.
Daugovā īplyudušuos dizeļdegvīlys daudzums sasamozynuojs, nūruoda Vaļsts guņsdzieseibys i gluobšonys dīnesta Civiluos aizsardzeibys puorvaļdis prīkšnīks Maigurs Ludbāržs i Vaļsts vidis dīnesta generaldirektors Vilis Avotiņš. Vakar liduojumā ar helehopteru da Latvejis – Boltkrīvejis rūbežai konstatāts, ka pi Daugavpiļs pīsuorņuojums upē gondreiž nav radzams, pi Kruoslovys tys varātum byut apmāram 5%
Šudiņ Viļānu Naturalizacejis puorvaļde Rēzeknis Regionaluo nūdaļa reikoj informacejis dīnu par Latvejis pylsūneibys īgiušonu. Naturalizacejis nūdalis specialisti īdzeivuotuojim snīgs informaceji kai var īgiut Latvejis pylsūneibu, kaidi dokumenti napīcīšami, kaidi puorbaudejumi juokuortoj i kai tim sasagatavuot. Tī, kurī gribēs, varēs puorbaudeit sovys latvīšu volūdys ci Latvejis viesturis i Satversmis zynuošonys i aizpiļdeit testa uzdavumus. Apmaklātuoji sajims informativus materialus, kab sagatavuotūs puorbaudejumim.