Eiropys mozuos volūdys juosorgoj
Rēzeknis Augstškolā ituos nedelis beiguos īsarass zynuotņu doktors Haiko Martins nu Berlinis Universitates. Augstškolā jis gasteis pyrmū reizi un juo laseitū lekciju par Eiropys Savīneibys volūdu politiku byus īspieja nūsaklauseitīs filologejis magistranturys pyrmo kursa studentim. Haiko Martins interesejās par minoritašu volūdom Eiropā i vīns nu juo pietnīceibys objektim ir arī Baltejis vaļstu volūdys.Šudiņ Ludzys rajona padūmis sēdē tiks lamts par pylnvaruojumu Ludzys rajona padūmis prīkšsādātuojam Juram Dombrovskim izdūt reikuojumu par uorkuortys situacejis izsludynuošonu rajonā deļ automašynu garūs ryndu. Konkrets datums uorkuortys situacejis izsludynuošonai nateik nūsaceits.
Šudiņ Daugavpiļs dūmis sēdē pošvaļdeibys deputati lems par atbolstu projektam “Jaunuos telpiskuos atteisteibys zonys Latvejis i Krīvejis pīrūbežā, izmontojūt diveju vaļstu transportgeografiskuo nūvītuojuma potencialu”. Dūmis sēdē planuots lemt par atbolstu energoefektivitatis projektu realizacejai vairuoku Daugavpiļs izgleiteibys puorvaļdis īstuodēs, par Daugavpiļs izgleiteibys puorvaļdis īstuožu i sporta puorvaļdis moksys pakolpojumu cenom i tarifim.
Šudiņ Daugavpili apmeklej veseleibys ministrs Vinets Veldre. Dīnys piyrmajā pusē ministrs planoj apmeklēt vairuokys veseleibys apryupis īstuodis i tiktīs ar medikim. Piecpušdinē jis paredziejs tiktīs ar piļsātys vadeibu.
Viļānu dūme nūlāmuse lyugt Vaļsts kasei 190 tyukstūšys latu lelu aizdavumu ar Vaļsts kasis nūsaceitū procentu likmi vydsškolys kabinetu, nomu pogolmu, estradis remontim i autobusa īguodei. Aizdavumu planuots lyugt iz 10 godim.
Viļakys, Ludzys i Daugavpiļa puorvaļžu rūbežsorgi dīnesta vajadzeibom šudiņ svineigā ceremonejā sajims 30 kvadraciklus “Arctic Cat 400i”, kai ari Vīgluos mašinis “Ford” nūnuoks Valmīrys, Ludzys, Daugavpiļs, Reigys, Līpuojis i Ventspiļs puorvaļžu, Vaļsts rūbežsardzis koledžys, kai ari Vaļsts rūbežys pylnvaruotūs puorstuovju reiceibā.
