Suok skateit kriminallītu pret Saeimys deputatu
![](https://lpr.gov.lv/wp-content/uploads/2005/dezuratteli/79.jpg)
Rēzeknē šudiņ i reit Latvejis, Lītovys i Boltkrīvejis rūbežsorgi profesionalajā seminarā sprīss par nalegalū imigraceju, vyltuotūs identitatis dokumentu izmontuošonu i cytim vaicuojumim. Seminarā planoj jimt daleibu 24 augsta ranga omotpersonys.
Šudiņ Rēzeknē Veseleibys ministrs Vinets Veldre apmekleis piļsātys veseleibys apryupes īstuodes i dzeives jubilejā sveiks dakteri Bertu Orinsku. Bertai Orinskai tiks pasnāgts Veseleibys Ministrejis Atzineibys roksts par īguļdiejumu veseleibys apryupes sistemys atteisteibā.
Rēzeknes dūme atkuortuotai izsludynovuse konkursu iz izpilddirektora vītu darbinīka prūmbyutnes laikā. Pīteikuma viestuli i dokumentus dūmei juoīsnādz da 28.martam. Īprīškejī treis kandidati, kas beja dasasacejuš iz itū vakanci, natyka atbaļsteiti dieļ tuo, ka dūmes vadeiba gribie pījimt dorbā cylvāku ar lobom tehniskajom zynuošonom.
Ludzys rajona pīrūbežys pogostūs byus jaunys ceļa zeimes. 58 ceļa zeimes ar kravys transportleidzekļu puorsavītuošonuos īrūbežuojumu da 5, 7 i 10 tonnom tiks izvītuotys iz vaļsts autocelim. Tai kai niule ceļu sagums ir atkuss i turpynoj izškeist, lai tū pasorguotu nu piļneigys sabrukšonys, planuots uzstuodeit mynātuos ceļa zeimes.
Jākubpilī rajona padūmes zalā šudiņ byus konkursa “Byuve 2006” nūslāguma pasuokums. Byuvnīceibys nūdalis vadeituoja Anita Vanaga atzynuse, ka pārn pilsātys byuvnīceibai rakstureigs apbyuves pīaugums. Ekspluatacejā nūdūti 90 objekti, 58 nu tim sabīdryskuos byuves, bet puorejī dzeivuojamuos sātys i saimnīceibys ākys.