Puse Latvejis sviņ 8.martu
![](https://lpr.gov.lv/wp-content/uploads/2005/dezuratteli/79.jpg)
Preiļūs pasalelynuojusēs saslimsteiba ar gripu – iz 100 tyukstūšom īdzeivuotuoju registrieti 1948 saslimšonys gadejumi, vēļ pyrms nedelis saslymušū skaits beja 401 iz 100 tyukstūšim. Preiļūs ir vysaugstuokais gripys saslimsteibys skaita ruodeituojs Sabīdreibys veseleibys agenturys Rēzeknis filiala regionā, kas aptver Rēzeknis, Preiļu i Ludzys piļsātys i rajonus.
Rēzeknē šūnedeļ da vīnpadsmytuo marta Vaļsts rūbežsardzis koledžā nūteik starptautisks angļu volūdys seminars “Integretuos apvuiceibys Eiropys drūšeibys dīnestu vadeibai”
Pošvaļdeibys uzjāmums “Daugavpils siltumtīkli” izsludynuojuse atkluotu konkursu par tīseibom veikt piļsātā celtnīceibys dorbus centralūs syltumpunktu likvidacejā i sadalis syltumteiklu rekonstrukcejā.
Reit Rēzeknis augstškolys sporta nomā nūtiks Latvejis storp-augstškolu intelektualuo kaite (spēle) “Erudits 2007”. Itūgod konkursa tēma – “Dzeive ir kai serials ci Vacuo ļubesteiba naryus!”, itūgod konkursā pīsadaleis 13 komandys.
Itūgod maizis cena varātum pasalelynuot par 10%-15%, tai prognozej Marketinga padūmis vadeituoja Ingūna Gulbe. itaids cenys pīaugums varātum byut lātuokajim maizis izstruoduojumim, sovukuort duorguokajim tys varātum byut vēļ leluoks. Mudrais maizis cenu kuopums īvārūjamai ītekmejs kūpeigū vaļsts inflaceju pārn, vys jau ari itūgod maize byus vīns nu produktim, kas veicynuos inflaceju.
Laika prognozs itai dīnai Latgolā. Muokūņains laiks, breižim skaidruosīs. Bez sovpatnim nūkrišnim. Dīnā dīnvydu, dīnvydrītumu viejs 3-7 m/s. Maksimaluo gaisa temperatura dīnā +6…+9°.
Jaunuokuos zinis klausotēs Latgolys Radejā!