Izglītība un kultūra 

Forums par valsts un pašvaldību sadarbību ar NVO

Latgolys kongresa lāmumu izpiļdis padūme (LKLIP) sadarbeibā ar Latgalīšu kulturys bīdreibu 2023./ 2024.godā reikoj kluotīnis i virtualuos vidis forumus, kurūs izgleitoj sabīdreibu dažaiduos jūmuos, rūsynūt vītejuos i vaļsts atbiļdeigūs instituceju īsaisti Latgolys regiona atteisteibys vaicuojumu rysynuošonā, prioritari dūmojūt par ekonomiskuos i socialuos navīnleidzeibys mazynuošonu, drūšeibys i pīdereibys styprynuošonu.

2023. godā tyka organizāti 3 kluotīnis i 3 virtualī forumi (izgleiteibys, turisma i drūšeibys jūmuos), kai ari Latgolys storpkongress, sūpluok pulcejūt ap 500 daleibnīku kluotīnis storpkongresa pasuokumūs i nūdrūšynūt izgleitojušūs forumu vieršonūs @Latgkolyskongress Youtube kontā. 2024. godā jau nūtykuši 4 kluotīnis i 2 virtualī forumi (piļsūniskuos leidzdaleibys, lauksaimnīceibys, medeju, latgalīšu volūdys lītuojuma jūmuos).

17. junī nu 11.00 da 16.00 stuņžu Rēzeknis nūvoda dūmē organizejam nuokušū kluotīnis forumu „Vaļsts i pošvaļdeibu sadarbeiba ar NVO”. Gribim puorrunuot aktualuokūs vaicuojumus, kas skar Latgolys atteisteibu i kurūs sadarbeiba storp piļsūniskajom organizacejom i vaļsts i pošvaļdeibu ir styprynoma:

  1. Austrumu pīrūbežys reiceibys plana konceptu, kurā jūprūjom nav redzami konkrēti rezultativī ruodeituoji i finanšu apjūms, kai ari projektu realizacejis laiks, kab vysmoz īsuoktu celi iz ekonomiskuos i socialuos nevīnleidzeibys mazynuošonu.
  2. Pošvaļdeibu finansiešonys izmainis, izdzeivuošonys režimi pošvaļdeibuos, kai piļsūniskuos organizacejis var īsasaisteit nūteiktu vaicuojumu rysynuošonā.
  3. Pošvaļdeibu sadarbeiba ar piļsūniskajom organizacejom, t. sk., nūteiktu funkceju delegiešona, Īdzeivuotuoju padūmu veiduošona i c.
  4. Pošvaļdeibu īsaiste Latgolys kongresa rezolucejis eistynuošonā: latgalīšu volūdys īvīsšona školuos, pasuokumu nūrisē, lingvistiskajā ainovā, Latgolys kai viesturiskuos zemis vīnuoteibys principa saglobuošona, informativuos telpys sakuortuošona i c.
  5. Kūpeiga īsastuošona par eipašy ES programys, kas styprynuotu drūšeibys, sabīdreibys i informativuos telpys nūtureibu itamā geopolitiskajā situacejā, juos aizstuoviešonys napīcīšameibu ES leimenī. (2023. goda pavasarī VARAM rīkoja storptautysku seminaru, kurā vysys vaļsts, kas rūbežojās ar agresorvaļstim pīkryta taidys programys izveidei i snīgšonai ES Padūmē, tymā pošā laikā konkreta juos vierzeiba ir apsastuojuse).

Byusim prīceigi forumā Jius satikt kai aktivu piļsūniskuos sabīdreibys puorstuovi, prezentejūt Jiusu organizacejis redziejumu (da 5 min.) par sadarbeibys styprynuošonu ar vaļsts i pošvaļdeibys puorstuovim. Pīsateikšona da 14. juņa

Informāciju sagatavoja: LKLIP priekšsēdētājs Agris Bitāns