Myužeibā aizguojs pūdnīks Evalds Vasilevskis

2018. goda 9. augustā myužeibā aizguojs keramikis, “Pūdnīku skūlys” dybynuotuojs Evalds Vasilevskis.

Evalds Vasilevskis dzims 1953. goda 28. oktobrī Rēzeknē, vuicejīs Rēzeknis 1. vydškolā, iņteresi par Latgolys pūdnīceibys tradiceju izpieti padzilinuojs, klausūtīs muokslys zynuotnīka Juoņa Pujata lekcejis Tautys universitatis keramikys fakuļtatē, kai ari vuicūtēs nu pīredziejušu pūdnīku.

Atsasaucūt Latvejis Kulturys fonda aicynuojumam 1990. godā E. Vasilevskis dybynuoja “Pūdnīku skūlu”, saglobojūt i popularizejūt Latgolys pūdnīku tradicejis. Lelu sovys dzeivis daļu Evalds veļteja paleidzūt jaunajim keramikim ar padūmim, ari byuvejūt keramikys apdadzynuošonys cepļus gon Latvejā, gon uorpus tuos.

Portala lakuga.lv kolektivs izsoka leidzjiuteibu Evalds Vasilevska saimei, draugim i juo dorba cīneituojim.

Izvadeišona nūtiks pyrmudīņ, 13. augustā, 12.30 stuņdēs nu Rēzeknis Leluos kapleicys, zemis kliepī Evaldu Vasilevski guļdeis Greiškanu kopūs.

Latgaļis plānošonys regiona kolektivs izsoka vysdziļuokū leidzjiuteibu draugim un pīdereigīm.

Roksta autors: potals lakuga.lv