Aicynoj iz folklorys kūpu sasadzīduošnu Saunā

2018. goda 4. augustā 14.00 stuņdēs Preiļu nūvoda Saunys pogosta atpyutys laukumā, leita gadinī Tautys nomā, nūtiks projekta “Tradicionālo kultūras vērtību iepazīšana” pasuokums – 3. folklorys kūpu sasadzīduošona “Cik jauki vosor’s laiceņā”.

Pasuokuma tema itymā godā ir maize – tuos cepšonys tradicejis, audzātuoju i cepieju gūdynuošona, byus ari meistardarbneicys. Projekta iniciators ir sabīdriskais centrs “Nianse” sadarbeibā ar folklorys kūpu “Naktineica”.

Iz pasuokumu aicynoj folklorys kūpys i tautys muzykys kolektivus, i vysus puorejūs interesentus. Folklorys kūpa “Naktineica” sviņ 65 godu jubileju i ir vīna nu vacuokūs folklorys kūpu Latvejā.

Informacejis ovūts: www.lakuga.lv