Festivala “Muzykys Skrytuļs” organizatori izziņoj nūtikšonu laikus

Jaunuos latgalīšu muzykys festivala “Muzykys Skrytuļs” organizatori aicynoj vysus sovūs kalenderūs i planavuotuojūs atzeimēt ituos vosorys juļa pyrmū nedelis golu, tys ir nu 4. da 6. juļam, i napalaist gar dagunu pasuokumu Daugovpiļs nūvoda Leiksnā, kū gaida na tikai vysa Latgola, bet ari puorejuo Latveja!

Jaunuos latgalīšu muzykys festivals „Muzykys Skrytuļs” pyrmū reizi nūtyka 2005. godā i turpynova veiksmeigai rypuot ari 2006., 2007. i 2011. godā. Ari itūgod byus vareiba kūpā saīt gon jaunim, gon atpazeistameibu givušim muzykantim, kuri vysaiduokūs žanrūs roda jaunys dzīsmes latgaliski, voi kuri sagloboj latgalīšu tradicionaluos muzykys vierteibys, lītojūt myusu dīnu aranžejuma metodis. Festivals ir nakomercials, tuo moto „Kruot var na tikai naudu‟ teik calts gūdā ari 2014. godā.

Itūgod festivala nūtikšonuos byus jaunynuojumi. Festivala aktivitatis byus vasalys treis dīnys, kai ari uzastuot tiks aicynuotys grupys nu vysys Latvijis i gosti nu aizrūbeža.

Festivala jaunumim vari sekuot leidza ir socialajūs teiklūs: www.draugiem.lv/muzykysskrytuls/, www.facebook.com/muzykysskrytuls, twitter.com/LiksnasKN voi #MS14, kai ari organizatoru sātys lopā www.liksna.lv.

Festivalu tradicionalai reikoj Daugovpiļs nūvoda Kuļturys puorvaļde i Leiksnys pogosta puorvaļde.

Vairuok informacejis:
Sanita Pinupe, Leiksnys pogosta Kuļturys noma vadeituoja
Tuolr. +371 65475550, mob. +371 26058951;
E-posts: sanita.pinupe@liksna.lv