Planavoj jaunu kinu par Latgolu

Vidis aizsardzeibys i regionaluos atteisteibys ministreja (VARAM) planavoj nūslēgt leigumu ar žurnalista Sandija Semjonova uzjāmumu „SKUBA films”, kas uzjims dokumentalū kinu par reiceibys planā Latgolys regiona izaugsmei 2912.–2013. godam paradzātūs pasuokumu izpiļdi.

Reiceibys plans Latgolys izaugsmei, kuru pārņ junī apstyprynuoja vaļdeibā, paradz dažaidus pasuokumus Latgolys regiona atteisteibys veicynuošonai i uzjāmumdarbeibai pīmāruotys vidis atteisteišonai.

VARAM informaceja līcynoj, ka paguojušajā godā kūpejais izmoksuotais finansiejums vysu plana aktivitašu eistynuošonai ir 9,26 miljoni latu. Itī leidzekli izmontuoti, lai izveiduotu Latgolys uzjiemiejdarbeibys centru, ir uzjimta kina par Latgolu „Latgale. Trīs stāsti”, nūtykušs jaunīšu apvuiceibys, kuru rezultatā izstruoduoti biznesa plani i daži jaunīši suokušs sovu uzjiemiejdarbeibu. Taipat paguojušajā godā pīsaisteits papyldus Eiropys Savīneibys fondu finansiejums 33,37 miljonu latu apmārā Latgolys planavuošonys perioda pošvaļdeibom, lai varātu eistynuot uzjiemiejdarbeibu veicynūšus projektus.