Trešais Pasauļa latgalīšu saīts i konfereņce
Nu 5. leidz 10. augustam Rēzeknē nūtiks 3. Pasauļa latgalīšu saīts i konfereņce „Latvejis naatkareibys laiks – Latgolys īspieja voi izniceiba“. Pasuokumus reikoj Rēzeknis Latgalīšu kulturys bīdreiba sadarbeibā ar Rēzeknis piļsātys dūmi, Rēzeknis nūvoda dūmi, Rēzeknis–Aglyunys diecezi, Rēzeknis Augstškolu, atbolsta Latgolys pošvaļdeibys.Piec Rēzeknis Latgalīšu kulturys bīdreibys iniciativys ik pa desmit godim Rēzekne kliust par pasauļa latgalīšu saīta vītu, reizē ļaunūt sabīdreibai, zynuotnīkim, tautsaiminīkim, muokslys i kulturys darbinīkim nūviertēt padareitū i nūsaceit jaunus mierķus iz prīšku, vērstīs ar prīšklykumim i praseibom vaļdeibā i Saeimā.
Ituo goda saīta moto ir Ontona Kūkuoja dzejūļa ryndys:
Byut latgalīšam –
ni prūjom īt, ni atsagrīzt.
Byut latgalīšam –
ir īt i īt.
Trešuo Pasauļa latgalīšu saīta programa
3.–4. augusts
Rēzeknis piļsātys svātki
3. augusts
15.00 Izstuodis „Pasauļa latgalīšu muoksla nu Latgolys Kulturviesturis muzeja kruojuma“ atkluošona /Latgolys Kulturviesturis muzejs, Atbreivuošonys alejā 102/
5. augusts
12.00 Trešajam Pasauļa latgalīšu saītam i Rēzeknis piļsātys svātkim veļteits svineigs dīvakolpuojums /Rēzeknis Jezus Sirds katedrale/
15.00 Latgolys Varganu dīnu nūslāguma koncerts /Rēzeknis Jezus Sirds katedrale/
6. augusts
18.00 Latgalīšu izceļsmis sūmu kinorežisora Teuvo Tulio (Teodora Antonija Tugaja, 23.08.1912.– 08.06.2000.) 100. godskuortai veļteits pasuokums, filmu demonstriešona /Rēzeknis piļsātys dūme, Atbreivuošonys alejā 93/
7. augusts
15.00 Latgalīšu Kulturys centra izdevnīceibys gruomotu atvieršonys svātki /Rēzeknis nūvoda dūme, Atbreivuošonys alejā 95/
17.00 Latgalīšu rakstnīku i dzejnīku cielīņs. Anna Rancāne, Juoņs Ryučāns, Valentins Lukaševičs, Ilze Sperga, Raibīs Suņs, Līga Rundāne i c. Latgalīšu gruomotu, disku golds /Rēzeknis nūvoda dūme, Atbreivuošonys alejā 95/
20.00 Latgalīšu dzejis teatris “Piļsātā nikod napalīk tymss”. Rēzeknis Tautys teatra izruode /Rēzeknis piļsātys kulturys noms, Bruoļu Skryndu īlā 3/
8. augusts
17.00 Ontona Kūkuoja pīmiņai veļteits dīvakolpuojums /Rēzeknis Jezus Sirds katedrale/
18.30 Pīminekļa atkluošona Latgolys kulturys darbinīkam, muokslinīkam i dzejnīkam Ontonam Kūkuojam (23.12.1940.–18.04.2007.) /Latgolys Kulturviesturis muzeja skvers, Atbreivuošonys alejā 102/
19.30 Monika Zīle „Rūžys byudu golūs“. Daugovpiļs Teatra izruode /Rēzeknis piļsātys kulturys noms, Bruoļu Skryndu īlā 3/
9. augusts
11.00 Trešuo Pasauļa latgalīšu konfereņce „Latvejis naatkareibys laiks – Latgolys īspieja voi izniceiba“. Plenarsēde. Dorbs sekcejuos /Rēzeknis nūvoda dūme, Atbreivuošonys alejā 95/
18.00 Latgolys Atbreivuošonys pīminekļa „Vienoti Latvijai“ 20. godadīnys svineigs pasuokums.
Latgolys nūvodu puorstuovu sveicīni i folklorys kūpu sasasaukšona /Latgolys Muorys laukums/
Publicista, izdevieja, dzejnīka, politika i sabīdryskuo darbinīka Franča Kempa (24.12.1876.– 21.10.1952.) memorialuos pluoksnis atkluošona pi Rēzeknis piļsātys dūmis ākys /Atbreivuošonys alejā 93/
Latvejis i Latgolys patriota, zynuotnīka, akademika, Latvejis Lauksaimnīceibys ministra (1951–1961), Krīvejis Lauksaimnīceibys akademejis prezidenta, Vuocejis, Ungarejis i Latvejis Zynuotņu akademejis Gūda lūcekļa Aleksandra Nikonova (18.08.1918.–05.10.1995.) memorialuos pluoksnis atkluošona pi Latgolys apgoboltīsys ākys /Atbreivuošonys alejā 95/
10. augusts
09.00 Trešuo Pasauļa latgalīšu konfereņce „Latvejis naatkareibys laiks – Latgolys īspieja voi izniceiba“. Dorbs sekcejuos. Dorba grupu prīšklykumu apkūpuojums. Rezolucejis pījimšona /Rēzeknis nūvoda dūme, Atbreivuošonys alejā 95/
Kontaktinformaceja: Rēzeknis Latgalīšu kulturys bīdreibys vaļdis prīšksādātuojs Pīters Keišs. Konfereņcis koordinatore – bīdreibys vaļdis lūcekle Ilga Šuplinska.
LAKUGA.lv
