Keramiķu Dundenīku izstuode Bolvu nūvoda muzejā
Bolvu nūvoda muzejā apsaverama Bolvu nūvoda (ari bejušuo rajona teritorejā) vīneigūs profesionalūs keramiķu Jolantys i Valda Dundenīku dorbu izstuode, i ari LaKuGys skaiteituojim pīduovojam īspieju virtuali apsavērt izstuodi.Jolanta i Valdis Dundenīki dzeivoj Bolvu nūvoda Bieržpilī Dundenīki ir muokslenīki, kas sagloboj autentiskū Latgolys keramikys nūslāpumu, na īt modernuos keramikys celi.
Jolanta Dundenīce dzymuse 1967. godā Bolvu nūvoda Bieržpilī. Vuicejusīs Bieržpiļs vydsškolā, pie kuruos turpynuojuse Rēzeknis lītišķuos muokslys vydsškolys keramikys nūdaļā. Nu 1996. da 1999. godam vuicejusīs Latvejis Muokslys akademejis Latgolys filialē.
Valdis Dundenīks dzims 1965. godā. Piec Bieržpiļs vydsškolys i Malnovys lauksaimnīceibys tehnikuma beigšonys, Valdis apgive pūdnīceibys pamatus keramiķa Pītera Iruka darbneicā. Sovu rodūšū darbeibu izsuoka 1987. godā, izceļūt sovu keramikys cepli Bieržpiļs pogosta Saksmolā.
Dundenīku dorbi bejuši izstuodeiti daudzi i dažaiduos izstuodēs i pasuocīņūs. 2000. godā par keramikim sataiseita kina „Vāpes dziesma”.
3. majā 15:00 Bieržpiļs Saīta nomā tiks atkluota tautys daiļomota meistaru Jolantys i Valda Dundenīku i Bieržpiļs vydsškolys keramikys puļceņa dorbu izstuodis atkluošona. Izstuode byus apsaverama da 31. maja.
Lai aplūkotu fotoreportāžu, uzklikšķiniet uz bildes!
 ????????????????????????????????????  ????????????????????????????????????  ????????????????????????????????????  ????????????????????????????????????  ????????????????????????????????????  ????????????????????????????????????  ????????????????????????????????????  ????????????????????????????????????  ????????????????????????????????????  ????????????????????????????????????  ????????????????????????????????????  ????????????????????????????????????  ????????????????????????????????????  ????????????????????????????????????  ???????????????????????????????????? |
