Sovvaļnīks prezentej sovu pyrmū video klipu
![](https://lpr.gov.lv/wp-content/uploads/2007/bodrap-bildis/1979.jpg)
Latgalīšu dzīsminīks Sovvaļnīks sovu melanholiskū roka debejis albumu “Sūpluok” prezentieja 2009. goda vosorā, nu jau rudini devēs iz starptautiskū muzyķu konkursu kai vīneigais puorstuovs nu Baltejis valstim, pavadūšojā sastuovā pīsadolūt vīnim nu profesionaluokajim muzykim Latvejā. Sovvaļnīka dzīsmi “Vysi vieji”, kurys vuordu autore ir latgalīšu ailineica Līga Rundāne, klauseituoji nūviertieja i vairuokys nedelis tei atsaroda regionalū i vaļsts radeju staceju topūs. Piec ituo sasnīguma Sovvaļnīks nūlieme dzīsmei sataiseit video verseju.
Tei tika izfilmāta vīnā nu vacuokajom kūka bazneicom Latvejā i tuos apleicīnē – Aglyunys pogosta Bierzgalē. Sovvaļnīks soka paļdis klipa veiduotuojam Ingum Amatnīkam ar komandu, Aglyunys dekanam – A. Aglyunīšam par atsaceibu Aglyunys pogosta bierzgalīšim par atbolstu. Video klipa veiduotuoji eisajā stuostā centušs paruodeit dzeivis nūtykumus pīredzejuša cylvāka grāksyudzi ar atsazeišonu i puordzeivuojumim.
„Vysi vieji” muzykys video var viertīs Latvejis muzykys kanalā, Muzykys video kanalā. Sovvaļnīku varēs satykt i nūsaklauseit juo pyrmū publiskū uzastuošanu akustiski 13. janvārī 18:00 muzykys veikalā „Randoms” Vacreigā.