Parauga tautys skaiteišona

Centraluos statistikys puorvaļde uzsuokuse izmieginuojumu 2011.godā paradzātajai tautys skaiteišonai. Kai daudzejim latgalīšim zynoms, tod itamuos anketuos ir īlykts ari vaicuojums par latvīšu volūdys paveidim (atbyltūši Vaļsts volūdys lykumam) – taitod ari par latgalīšu volūdu.

Ituo goda septembrī – oktobrī vairuokuos Latvejis vītuos teik organizāta izmieginuojuma tautys skaiteišona. Informaceja par īdzeivuotuojim i sātom tiks uzskaiteita atbylstūši situacejai 20.septembra plkst. 00.00.

Individualūs datu konfidencialitati aizsorgoj Tautys skaiteišonys lykums, Vaļsts statistikys lykums i Fiziskūs personu datu aizsardzeibys lykums. Centraluo statistikys puorvalde sajimtū informaceji izmontuos vīneigi statistiskai, veidojūt kūpsavylkumus i izdorūt datu grupiešonu, ekonomiskūs i socialūs paruodeibu i procesu analizam.

Tān tiks puorbaudeits kai dorbojās metodologeja i tehnologiskī rysynuojumi, kab nūdrūšynuotu maksimali kvalitativus dorba rezuļtatus. Tiks apvaicuoti 2,7 tūkstošys ļaužu, kuri dzeivoj Reigā, Kuldīgā, Mazsalacā, kai ari Preiļu, Rībeņu i Saulkrastu nūvodā.

Īspieju rūbežūs īdzeivuotuoji lyugti aizpiļdeit anketu internetā. Jīm byus juoīroksta sovs pases numers i vysu saimē dzeivojūšū personys kodi. Tas byus īspejams nu 20. da 26.septembram. Anketas pīejamys – www.csb.gov.lv/tautasskaitisana.

Puorejūs nu 1.oktobra da 31. oktobram meklēs CSP tautys skaiteituoji, kuri aizdūs vaicuojumus, kai ari uzruodeis dorba aplīceibys ar sovu fotografeju.

Bezmoksys telopna numers: 80000777