Nūsasliedzs Borowa Mc izsludynuotais Mīlesteibys vokora radūšais konkurss jaunajim ailinīkim.

Ir nūsasliedzs februara suokumā izsludynuotais “Borowa Mc” Mīlesteibys vokora radūšais konkurss. 24. februarī Muokslys darbinīku nomā kūpā ar grupu eipašā muzykali literarā vokorā ar sovys dzejis prīškā skaitejumim uzastuot aicynuoti jaunī alinīki – Emīls Buiķis, Aiva Caune, Jānis Tomašs un Vineta Trimalniece.

“Mes sokom lelu paļdis tim, kas uzticēja mums sovus dorbus. Tim, kas uzadreikstēja pasceit skali, kai sevkurs nu mums jiut mīlesteibu. Kūpā ar mums Mīlesteibys vokorā asam uzaicynuojušs uzastuot tū dorbu autorus, kuru ailēs saklausejom eipaši naīrostys steigys, koč ari kotrs nu dorbim beja naatkuortuojams,” atzeist grupys “Borowa Mc” soliste i dzīšmu autore Guntra Kuzmina.

Kūpumā konkursam sovus dorbus īsyutieja 33 jaunī autori. Nu tim 15 beja daiļuo dzimuma puorstuovis i 18 veirīšu kuortys puorstuovi. Geografiski dorbi paruodeja vysu Latvejis nūvodu izpratni par mīlesteibu – nu Ventspils leidz pot Daugovpilij. Jaunuokajam konkursa dalinīkam beja 14 godi, bet vacuokajam – 33.

Mīlesteibys vokors nūsarysynuos 24. februarī, plkst. 19, Muokslys darbinīku nomā, Vaļņu īlā 9, Vacreigā. Grupa akustiski spēlēs eipašu mīlesteibys dzīšmu programu gitarys, tausteņu i perkuseju pavadiejumā, bet apmaklātuoji varēs baudeit gon dzīsmis, gon ailis, gon dejis, gon ari omuleigai īsakuortuot iz spylvynim, dzarūt korstu čaju i cytus bufetis “Gauja” pīduovuotus dzierīņus.

Biletis iz pasuocīņu var nūpierkt www.bilesuserviss.lv. Vaira informacejis par koncertu Muokslys darbinīku noma sātys lopā– www.mdn.lv.