Latgolys lelais šlagermuzykys bals

Rēzeknē 22. majā nūtyka myzukys grupys „Patrioti.lg” albuma „Daugaveņa” prezentacejis tūris nūslāguma koncerts. Pyrmū reizi Latgolā vīnā koncertā pīsadaleja popularuokuos šlagergrupys nu Latgolys: „Patrioti.lg”, duets „Inga i Normunds”, grupa „Boltī Luoči” kai ari eipašī gosti – Eriņu saime.

Pasuokums naiztyka bez puorsteigumim, skanēja grupu popularuokuos dzīsmis, kai ari jaunys i leidz šam nadzierdātys dzīsmis. Pasuokumu svineigi atkluoja pasuokuma organizatoru puorstuovs – Jurs Ostrovskis, koncertu vadeja Guntis Skrastiņš, kurs ari īspieja nūdzīduot dažys dzīsmis, sajemūt eipašys ovacejis piec dzīsmis “Apleik kolnu ar leikumu”. “Boltī Luoči” prīcynuoja publiku ar jaunom i drusku senejuokom dzīsmem. Bet grupa “Patrioti.lg”, apsavīnojūt ar duetu “Inga i Normunds” publikai prezentēja pavysam jaunu koncertprogrammu. Leluo muzykantu saīšona svineigi nūsalēdze, vysim koncerta dalinīkim kūpeigi nūdzīdūt dzīsmi “Skaidruo volūda”.

Pasuokuma organizators – menedžmenta kompaneja „Daugaveņa” – izsoka pateiceibu vysim pasuokuma atbaļsteituojim, sadarbeibys partnerim i eistyn lobajai publikai! Ari cytugod teik planavuots reikuot nu jau ūtrū Latgolys šlagermuzykantu kūpā dzīduošonys koncertu.

Kontaktinformācija:
Juris Ostrovskis
Mob.tālr.: + 371 26178988
E-pasts: patrioti_lg@inbox.lv