Latgalīšu rokumuzikis Sovvaļnīks: Tuoļuok vaira nav kur īt
![](https://lpr.gov.lv/wp-content/uploads/2007/bodrap-bildis/2455.jpg)
“Tycu i caru, ka itymā dzīsmē kotrs atrss sovu viestejumu,” tai muzykys autors i solists Ingars Gusāns. “Aicynoju apsastuot i padūmuot, kur asam itūšaļt i iz kurīni eimam.” Ituos dzīsmis, taipat kai cytu Sovvaļnīka itūgod radeitūs dzīšmu, vuordim par pamatu jimta latgalīšu nūvodnīka Ontona Kūkuoja, kas itūzīm svynātu 70 godu jubileju, dzeja, izsokūt cīņu itam latgalīšu kulturys puorstuovam.
Jaunuo dzīsme topuse vairuokuos īrokstu studejuos, sasadorbojūr ar divim latvīšu muzykys producentim, nu kurim vīna stypruo puse ir smagnieja roka īroksti, ūtra – poproka aranžejis. Solists Ingars uzskota, ka sadarbeiba ir izadevus – radeits natipisks skoņdarbs, ar mīreigu i melanholisku īvodu, kas puorīt energiskā pīdzīduojumā.
Dzīsme latvīšu ci latgalīšu versejuos klausoma radeju satacejuos, škārsteikla portalūs, muzyķa profilā draugiem.lv/Sovvalniks i lejupluodejama Platforma.lv