Jem brōleit…

Jem brōleit vīnu,
As jimšu ūtru,
Trešōs vairs nabyus –
Zynom tū labi.

Dzeivōsim tōļōk
Koč kai, bez prōta,
Bess lai niu paraun,
Kū vuicēja mōte.

Jem brōleit vīnu,
Dreiž nabyus gudri,
Tukšojās myusu
Maceņi mudri.

Izgaisa prīca,
Nūsleikom olā,
Paspēre dzeiveite
Obus myus molā…

Ni vairs bej sātys,
Ni palikšonas.
Dīvmōte svātō –
Nav pesteišonas!

Pyrms brōleit jemsi –
Apdūmoj cīši!
Varbyut pēc ūtrōs
Pūstā tu īsi…