Vēļ puors dzejūleiši bārnim…
Rudzupučem draugsVoi zinit, cik manī blieņu un palaidneibu muojoi?
Minit nu! Cik, cik? Nā, nauzminēt vys!
– Tik, cik rudzūs rudzupuču zīd!
Nu kū es varu padareit,
ka pateik man mozū bruoli syrdynuot?
Na jau aiz ļauna pruota, nā
Vīnkuorši – taipat.
Nu kū es varu padareit,
ka nogi nīz i nīz, kai mama soka?
Tok vajag dagrīzt, atgrīzt, paskryuvēt,
vīnkorši – taipat.
Nu kū es varu padareit,
ka napateik man kuojas mozguot?
Ni jau deļ tam, ka nateireigs es,
vīnkuorši – taipat.
I vēļ, i vēļ, i vēļ…
Voi tagad zinit, cik manī blieņu un palaidneibu muojoi?
Pareizi:
– Tik, cik rudzūs rudzupuču zīd!
Vaicuojums
Kai, kai Tu vaicuoji?
Jo byutu tai, kai as grybu?
Oooooooooooooo…
Ka byutu tai, kai as grybu…
Tod kompetu kūki augtu
Vysapleik munai sātai…
I zori tīm kūkim byutu zemli, zemli.
A voi nā!!!
Ka byutu tai, kai as grybu…
Tod man byutu 5 kači
1 malns, 1 bolts, 1 ryžs i 2 raibi.
3 suni – Šariks, Bobiks, Rekss
Ka byutu tai, kai as grybu…..
Oooooooooooooo….
As spālātūs i spālātūs, i spālātūs…
Jo byutu tai, kai as grybu!
