..tympus styklim
***
cīši agrs irā
bolūži vēļ guļ
skuoborsnoj
photo albumā
vīna seja
cytustorp
***
irā labi
juņa pučis
sazeimuotys
iz greidys tymuos
vītuos
kur nūkruosuotū
greidu
sapāduojs
boltais kačs
***
vokora sagaideituo
atbreivuotuo sajiuta
leits pakšynoj
ūtrympus polūdai
tī tuoli
storp zvaigznem
paslāpta muna
astrologeja
***
es zynu tū ari
ka nūkreit zeilis i
sasyt zemi
rīvys tovuos dalnuos irā
elpa kas aizaruovuse
pasašyupynuot storp
dabasim i smylgu
a vyss pasauļs
dzaltsorkonuos lopuos
i smejās
***
naktskrakls
naparedziejums
asfalts bosys kuojis
skrīnu nūčert breiveibu
par daudz
***
kūki apsnyguši
i muna mīlesteiba
iraida skaista
ānys izbrīnu puori
skaņ dzīsme
aizeimu apsavērt snīgu
i muna mīlesteiba irā klusa
tyvuok puorsla i
pazyud redzīņa
samulsuse
i muna vintuleiba
iraida mīlesteiba
***
sytās lasis pret kūka lopu
dzeisluojumu
es teve nasadzieržu
tu esi muns nasapratīņs
vaira nagaidu saulis
leipsnuojumu
rudiņs zebonku
izkaisa
***
īskotam suleiga zemis
bryuneiguma ocu kruosa
tei sapylda vysu
kū gribu salikt/nūvītuot
apskaut/atrast
tod pīninis atsaver
miļjonim madainu
dzierksteļu
i tovys acs soldonai
smaiduļoj
nazyn voi tymuos atspeidu
ari es
***
seņ tev naraksteju jo nabeja kū saceit
tū pošu zynomū ka naīradzūt meiļoju
i ola gluozē īmatu pa kaidam šņukstiņam
i cigariškys līsmē īdadzynoju
kardinala ānu – maņ pateik tauryni
maņ pateik jis par lylu munom
durovu ailem kod izpleš spuornus
āna kluoj gaismu tod irā tai
ka elpa nūveist hiacinte nūsmaržoj
tod naraksteju seņ tev nabeja kū saceit
par tū ka nabyušu atslāga tev
i pīdūšona viņ naveikla
nūsapynuota palaime nui tai
***
vieja daklauviejums
muna apsadūmotka
piļsātys dvēseļu
kleisnuojums tu – kai
vakar – baroj bolūžus
i jiutīs breivs
***
tuoļuoknabyušonys smogī vuorti
tova kotra dīna daleip
biļžu albuma ilgūtneigajom lopom
mežā pamastuo zoru i jiutu
pamuojeņa kur sapyni kai oreols i
vairuok
tukšums nakai irā soltums
ari Sibirejis tīgeram suop kod
pamats irā par osu
nogspiļviņtenim
***
Amsterdamā leits
i cylvāks kurš sacer muzyku
čarsta pa ustobu nūts
tuos lidoj pleivinej
leidz dažys īsapyn juo
slaikūs pierstu izlīkumūs
i atdzymst
leita blūzā
iz Amsterdamys…
***
krūgs. skanis.. palni.
kod irā par daudz
nu tovu skatīņu
daveru plokstus
gaidu kod drupeit
apsarims itei
tiuļuokbyuteiba
kod atvieršu acs i
tu vēļ byusi pi myusu
golda
nanūtics veļums
***
lopys.
putyni. klīdz.
rūkys. taustuos.
ceremonialuo nakts.
plyka sirds.
sarauti vodi.
dūma ar cereibu.
karinej uorpus
