Sovvaļnīks i Tova dīna

Dzīsminīks Sovvaļnīks piec debejis albuma “Sūpluok” izīšonys ituo goda vosorā i klauseituoju atzineibys par pyrmajom radejā nūdūtom dzīsmem klauseituojim pīduovoj pādejū skonu dorbu “Tova dīna” nu solo albuma.

Kod ir spāks i nav baiss pasavērt iz sevi nu īškis, tod Tova dīna ir kluot. Arhetipiskais dziļums (latvīšim – buramvuordi, tautys dzīsmis, austrumu kulturā koč kas mantru atguodynuošs) puorlīcynoj ar drūšom i vēļ tautys puosoku varūņam zynomom vierteibom: vyds kai telpys i vysa, kas ap tū, sakuortuojums, reiti, reiteni – izeja, gaismys ceļš, jaunys dzeivis suokums. Eistū vuordu zynuošona ir atslāga iz laimi vysūs laikūs. Tik na tīm, kas ar vuordu laime saprūt daudz naudys, lobu atpyutu i spūžu karjeru, pīdūdit, tī itamā dzīsmā ir nabreivī, kas var puortapt par draugim, bet tim vēļ tuols ceļš da sevi ejams, par vydu i jaunys dzeivis īsuokšonu tī var tik sepinēt. „Tova dīna” ir caturtais Sovvaļnīka singls nu debejis aļbuma „Sūpluok”. Muzykas autors – Sovvaļnīks, teksts – Oskars Seiksts i Osvalds Kravaļs. Dzīsmi var nūsaklauseit: www.draugiem.lv/sovvalniks