Seikšaltenis pyrma nūtikšonys

Lej, zemei daspīsts cylvāks i doba, vosora kur ta kavejās. Redzīs, tiulen jau suoksīs, i otkon palāka mygla – vysi vieji mani pyute, vysi ļaudis aprunuoja… Bet šūreiz “Vysi vieji” (Sovvaļnīka muzyka, Līgys Rundānis vuordi) nav par ļaužu mēļu treišonu ci aprunuošonu, tī ir par vieju, kas sevī.

Klausietuojs jau paspēja pījemt voi nūraidēt Sovvaļnīka dzīsmes ar O. Seiksta i V. Lukaševiča tekstim, tān kuorta īsadzeivuot Līgys Rundānis vuordūs. Muzyka i vuordi zeimej magiskū seikšaļteņu pyrma nūtikšonys. Cylvākam, kurš piec dobys tīcās piec vysa juonuo, koč nu tuo ari beistuos, breids pyrma nūtikšonys byus emoceju pretrunu pylns. Energisks kuopums i golvu reibynūšs kritīņs, zamuok par zemi jau nanūkrissi. A tī – Juoņu papardis, sepinētais, īgyutais i zaudātais reizē. Dzīsme kai īšona iz ūtru, kotru reizi, kod paīts garom voi nadaīts kluotyn. Var i vajag suokt nu suokuma, beigu ci vyds. Kas saceja, ka nikuo navar atkuortuot? Atkuortuot var, tik jaunuos kvalitātēs.

Raudzēsim kūpā!
Pyrma – nūsaklausēt dzīsmi, tod byut kaidam sūpluok, a atkuortuot tū vysu tik jau dzīsmēs i tekstu autoru (bez jau mynātajim vēļ M.Andžānis) videostuostūs varēs kūpā ar Sovvaļnīku diska prezentacejā 1.julī Reigā.