Precinīki
![](https://lpr.gov.lv/wp-content/uploads/2007/lauds/1734.jpg)
Virzīņs nūsprausts nadūmojūt – apmeklēt piļsātys diskobāru*! WOW! Tu tik īzadūmoj – dašaut da diskobāra. Tys nikas, ka juo pastuoviešonys viesturē tī byuts viņ divejis reizis. I to, piedejā reizī jūs „laipni” izvadē uorā nacīš simpatiskīs apsardzis personals. Atverūt durovys i sperūt plašu sūli vysi vaislenīki, kai apsamaļdiejši reindžeri pi kasis gaida papeira striemeleiti ar uzrokstu – „Diskotēka”. WOW! „Non smoking” zonā teik atbreivuoti nu īlys apgierbim. Tuoļuok vydā aicynoj TUC – TUC* skoni. Pī bāra letis nūkaitatuos reiklis teik valdzātys ar GIN&TONIC* uzliejumu. Ou, jē! Puiseiši apsaver apleik … ļaužu padaudz, kai kopusvātkūs. Vysaidys zortis. Siski, piski huj, hvosto – atguodynoj padūmju laika dasys izstruoduojumu. Skatīņs daleipst pi dāmom. Atsarūn ari pa kaidai studiņa* krateituojai. Vuords pa vuordam, kurš īs pyrmīs, draugi palīk divi, jo Janka pagaiss pyulī. Labi, vylks ar jū. Atsarass. Juoīt dziļuok! Hop, moza šaļteņa garom, apmaklātuoji atsarūn „Krīvu zālē”, jo tai raksteits iz durovom. Jebac pa muti!!!! Vysi dzīd leidza, a zānim nav vuordu mutī, tok gluobeņš ir GIN&TONIC. Tys veldzej.
Akurati pīdoncojūt kluot sīvīšam, Viļs pīzaļīcūt uzadrūšynuojs soka :
– Sveiki! Padejojam? –
Sekoj akmeņgrauža* cīneigs skatīņs. Suokūt nu Viļa Šreka* kūrpeitem da 3dīnys vacajai frizurai. Īturāta pauze.
– S, toboj ……. ŅET! –
Apmulsuma stuovūklis, tok GIN&TONIC remdej ryuša garšu mutē. Izaver, ka Seksa Dīvs* pamets Vili…. pamets ari zam tanka.
Paīt puora minotu. Viļs, sovu studiņi krateidams, pītrisinej kluot nuokūšajai dāmai jau cytā diskobāra golā. Šmuka! Tys nikas, ka vysa malnā ar muoksleigajīm nogim i lyupom. Sekoj taids pats dialoga suokums. Tei ari aplyukoj doncuotgrybātuoju …. pauze :
– Pašol nahuj*! Ty ņe iz našava kružka! –
Viļs dūmuos jiut, kai juo žūklis atsasyt pret ceļgolim. Ūrtū reizi… ūtrū reizi!!! I pats suok pīzasīt pi seve – „Moš vaineigys munys Šreka* kūrpis?” Kur že palicss Dīviškeigīs laipnums? Jau organismys aizprosa kuo nibejs stypruoka, kai GIN&TONIC …… Acss suok meklēt kaidu mozū viseiti.
Tai stuovūt bezcereibā pi bāra letis, ar nalelu daudzumeņu rūceņā(i), pīskrīn draugs Jurs sazadzierīs šņabi ar energejis dzierīnim, i rausta tū aiz ekstrimitatis.
– Kuo stuovi! Eimom docuot! EIMOM TOK DA MEITU DONCUOT!!! –
Viļs prūtams gryb draugu atbaļsteit i laiski nūruoda iz dāmu „Pašol nahuj!”…..
Piec minotu treju, jī stuov pi bāra letis divatā.
„Laikam erakceja kūpā ar mīleibu, voi „cipa tavo tam” ir palykuse īspīsta skuobsīna bedrē atorp Gusaka* cepim …” – Viļs da gola viertiejs šudiņdīnys situaceju.
PASKAIDRUOJUMI*
Diskobārs – izklaidis vīta
TUC – TUC – sova veida muzyka
GIN&TONIC – dzierīņs ar zynomu alkohola devu
Studiņs – galis iedīņs
Akmiņgrauzss – ir taida zivs
Šreks – žaļs multfiļmu varūņs. Ir 3 dalis
Seksa Dīvs – latgalīšu mitologeja
„Pašol nahuj!” – rupjš izteicīņs krīvu volūdā. Plaši izmontuots gon Krīvejā, gon bejušajuos PSRS vaļstīs
Gusaks – lels traktors