Otkon
Otkon pīci godi kluotu,
Prīca tei, voi smoga nosta?
Lai ar kū tu nadūmuotu –
Aizamierstās vacī stuosti…
Ausīs skan vīn senuo dzīsme –
Agrā reitā izkapts pļovā…
Acīs mīgs, nu teiruos brīsmys,
Kas gon pagulēt tev ļuove?
Itai beja senim godim,
Niule navajag man steigys –
Godi skrīn, kai pūra strodi,
Dīnys – tai kai bezdeleigys.
Verūs otkon, zaļā pļovā,
Zuole aug, bet nagulst vuolā.
Nūkolst munys dzeives kļova –
Pīci, pīci – vyss jau golā..