Ontona Matvejāna Dzīsme Latgolai

Pībrīduši i saulis pīsiļdeiti vosorys vokori ar naskaitamim dzīšmu atkuortuojumim. Ar suņa bolsa klusynuošonu i sābra traktora aizraideišonu nu teiruma, lai natraucej īrokstu. Ar blīnu iešonu i dzīuošonu puori pusnaktej pēc pādejuo īroksta. Ar smīklym da osoru par obu muzykantu stuosteitim dzeivis pīredziejumim…

Tys vyss nūtyka Dricanūs Matvejānu sātā 2008.goda augustā , kod kūpeigā sadarbeibā ar Juoni Laizānu ansamblis ALMUS īskaņuoja diskā 14 Ontona Matvejāna laiceiga satura dzīsmis ar Emilejis Kalvanis, Annas Rancānis, Konstantina Medņa, Leokadejas Razgales, Juoņa Klīdzēja u.c. latgalīšu dzejnīku vuordim.

Piec mieneša Maestro aizīt myužeibā, sovu pīmiņu dzīsmēs īmyužynuojs i ceļu iz dabasim breineigim meldenim izrūtuojs.

Lai „Dzīsme Latgolai”, bez pretenzejom iz augstu izpiļdiejuma vareišonu, dzīšmu mīļuotuojim nūder sirsneigai padzīduošonai saītūs i saimis lūkā!

Projekts „Dzīsme Latgolai” eistynuots pasateicūt Latjejis Kultūrkapitala fonda. Latgalis reģionāluos atteisteibys aģenturys i Strūžanu pogosta padūmis finansiālajam atbolstam.