Mistifikaceju pasauļs
Maņ pateik pļaut… lobuok pļaut ar zuolis pļuovieju….koč izkapts tehnologeji i pīlītuojumu ar zynu.
Troki monotons i pedantisks dorbs, ja gribi – pa skaistū.
Bet deļ maņa tys nav dorbs, kur navari ar sevi izarunuot i koč ar cytim.
…
Ē, pateik.
Pateik, ka pazasveicynoj – daž nazyni, kas par ļaudim, i veļ sovā dzeraunī…..daž pateik zuolis smarža… suleiga.
Daž pateik ari krīze…… oi, čiuļi soka “dižķibele”.
Ironiski smīkleigi.
Saīt tai, ka vuici mozim bārnim jaunus vuordus, nadūmuodams par tūs jāgu 😀
Krīzem, kataklizmom….kam tī vēļ ir koč kaids rezultats. Tik juozaver cytā prizmā… Tai jei pi myusim dzerauņā cylvākus nūstuoda, kai vajadzātu byut….
respektīvi – sazavairoj daudzi … teiksim cunftis, apvīneibys.
Vysi vibrej pa sovim mozduorzeņim kai uts….i tys prīcej. Pajuot, ka naudys nava daudz…. voi vyspuor juos nav 😀
Bet nazkai … taida sabīdereiba, kai padūmju laikūs. feini.
es dzīduojs tolkā nabeju seņ…. nu padsmitgodu vacuma….
žāl.koč bolss lobs.(vysmoz es tai dūmoju)
Vyss tyka dareits – mudruok, mudruok.
Žāļ ari, ka niule dzīsmys izkvāloj, kai palny kremetorejī…
Itaida kliniskuo nuoveite (ni nuove), veļ kaidu laiku uzaturēsīs. Vot taidu, voi cytu apstuokļu gadīņī izštukuoju, ka vāg drusku pa pasauli proskrīt. Kod to ka ni jaunam?!
Breinumu nav, tuos ir apstuokļi sakriteibys.
Prosi kai?
Īspeijis pastuov vīnmār 😉
Taipat myusem vysim leluokuo daļa dīnys, voi ari kaida to juos daļa paīt pi datora. Saīt tai, ka dators tyvuoks kai māma…ite juodūmoj vysūs virzīņūs.
Cik verīs škārsteikla vidī, vysaidūs draudzeigūs saitūs…vysi ir voi nu čabuleiši, bumbuleiši, soldonī,
foršuļi, začeiši,
perfektī, jaukumeņi (nu ite da vamta var turpynuot)
… voi ari vysVYSvysVys lobuokī draudzeņi,draudzineitis, tok pazaruoda vaicuojums – kur to pasaulī pazajuovej cik daudz stervu i lūpu, ka bais?
Ari svaigā gaisā navar dzierdeit tūs deminotivus kas volda tī.
Juopīdūmoj.
Munai cocei ar nav mīra. Jei maņ taida progresiva 😉
Jei soka tai – “Izaver, ka musdīnu jaunīši tik tū vīn dora, kai dzer, tusejās i dzer. Moš kurš i šņauc. Nivīnys biļdis pi dorba. Ja taidys ir to tys old-school, voi po prikolam”
Juosuok pīdūmuot.
Ai, maņ jau rieceigi palīk nu vysa ituo,
bet pateik.
Kotrys lobumeņš pi lobumeņa.
vīnkuorši VĀG ATRAST tū…kas dapiļda……vysu.
Pogolmā babkys nikod nav nikuo loba runuošys. Godu godim vacuos temys. Švaka vaļdeiba, taida poša veseleiba i zuolis duorguokys.
Nui asu jau puorzalīcynuojīs – kai gods, tai kaida mozuo vaineite kluot i maņ 😀
Voi tai VYSS ir sļikti. (Deļkam “sļikti” a ņi švaki? Sļikti skaņ tai,ka jau vyss ir sļikti).
tev švaki?
Navajag pļiuteit i, kur veļ cytim kliepī.
Deļkam aizdierst cytu dzeivi cikom naasi sakuortuojs sovejū.
P.S – Lai labi leigojās.
Apsaveļcit syltai!
A, to veļ vajadzēs staiguot 2 nedelis iz špricem 😀