Bez tēmas 

Lobdīn! 3 sauvis granta

Da jau smejūtīs i atsasāstu krāslā. Atcerūs vīnu sokomū – „Pazaudiesi pakali, piečuok dierssi caur suonkauli” 😀


Verūs pa molom, klausūs, ka itys gods vysim suocīs interesantai…. Maņ ar te prosa daži ļauteni – kas i kai, kur beji……..

Nu, to klausīs, kai beja…..

Jaunais Gods suocēs jauki…ar balleiti. Bet pagaidom tuoluokī nūtykumi gon interesanti. Nūsviniejom lobam draugam jubileju, vasalus i opolus 25 godus, nu, i skaisti snīdzeņā , pusūtru tulupu taiseidams – mauču pret juo sātys gaņkom. Rezultatā – salauzts kreisais atslāgys kauls…. Suokumā daže i nazynuoju … nu tī sapamps…suop..nu goduos tok nūkrist vysaiduos pozuos ;). Labi, pastaiguoju puora dīnu, bet, maita, suop! Sagivu rūkā „Ģimenes ārstu”, partū ka vajag nūreikuojumu iz RENTGENU. Labi, vakar nūreikuojums rūkā iz rentgenu i iz Traumpunku, lai jau mani špaktelej kūpā, ja nu kas. Dokturs soka, ka pleisums točna ir. Ok, braucu nu sova uorpiļsātys ofisa iz Rēzekni.
Nu, i suocēs cyrki i smedziņus!
Saimis doktorīne saceja, ej uzreiz iz Traumpunktu. Labi. Asu kluot, tī pruosa :

  • Kod beja trauma?
  • Nu… kaidys 4-5 dīnys atpakaļ….
  • Oi, nu mes tik pījemam ar „svaigom” (itys īstarpynuojums maņ patyka) traumom 24 stuņžu laikā….
  • Nu, kū ta maņ dareit?
  • Juotaisa rentgens, bet pi myusu jis moksoj 5 ls, plus ģipsis…plus…nu…ap 40ls. Paduorgi.

Es tai afigel nu suokuma…..

  • Nu, jius varit īt iz polikliniku, i, es verūs, jums nūsyutejumi te…bet tys vyss..ar nūsyutejumim..nu tys vyss Poliklinikā.
  • Labi, tod eimu iz Polikliniku…
  • Jā, jā…dosvedanje.

Piu, piu. Nūdūdu nūreikuojumu rentgenzonā 😀 gaidu ryndu.

Laiks – 9.32

Gaidu, gaidu. Zynu, ka juogaida byus ilgi…. Izštukoju, ka maņ ari juoapsaver, kai Traumatologs struodoj, nu, lai ir vyss kai vajag.. piec papeiru.
Aizeimu pi Traumatologa. Gaidu kaidu minotu četrdesmit, lai varātu īšliukt kabinetā. Sīvīte. Feina taida. Soku :

  • Voi jius mani varātu pījimt bez nūsyutejuma pi jiusu. Nu, lūdzu…
  • Ai, mes tai, tai, kai tū nadoram, bet, nu, radzu, ka jums tys placs….nu labi. Rentgens ir?
  • Gaidu ryndu.
  • Labi. Tod ejit šur!
  • Labi, paļdis.

Aizskrīnu iz augšu. Īprīkšejuo rynda pasakustiejuse par cylvākim četrim.
Nu i suocēs muns Golgatys ceļš……..gaidu. Gaidu, gaidu, gaidu… ilgi gaidu, gaidu.
Babkys suoc ceļt paniku – Čo, ona vobše ņe rabotajet? – Čo ona tam dzelajet? – Skoka možna ždac?
Maņ ari suoc beseit, partū ka juoskrīn da traumatologa, kura struodoj leidz 12.00. A, jau –

Laiks – 11.15

Tī otkon babka suoc trokuot… Izaruoda īmaslys – jū vajadzeja fiksi uzjimt, kai vīnu nu pyrmajom, jo jū nūsyuteja tei poša Traumataloge, ar kū es runuoju. Beidzūt atīt Traumatologe i nūīt iz tū rentgenzonu. Babka piec 30 min teik vydā……
Labi. Es stuovu, tod siežu, staigoju, bet gaidu ryndu, kai i vysi puorejī….ļaužu 15.
Suocu draugim krist iz nerva ar sms…….. verūs grīztūs komunikaceju veitņus….. … komuniceju ar blokussādūšū, tei vyspuor nu Dekšāru atsasytuse i vēļ pi nazkaida doktura numers pajimts………grīsti napateiri, ar myusu syudim…..
Nusasmeju ari par babu telefontūnim – vīnai „After dark”, ūtrai „Sexy eyes”, trešai vyspuor psc „Maļiņki,maļinki ”…
.
Laiks – 13.35

Kod palīk mozuok tautys, beidzūt paver durovys i nūklīdz – ARLOV!

  • Es kluseņom atpakaļ – Net. Orlovs!

Labi, figņa figņoj, bet asu Rentgenaparata telpuos.
Nūfočej mani. Jā, vimbas, šmuks lyuzums. Poša fočeituoja šokā :

  • Tur jesc luzums!!!
  • Skaists lūzums! Grybātu sajimt uzjāmumu mudruok.
  • Lats.
  • Labi.

(pādejū olgu tok izmoksuoja 😉 )

Pagaidu vēļ 60 min, asu tics pi sova atslāgys kaula uzjāmuma. Tī raksteits sliedzīņs – „ Apraksts : Kreisā atslēgas kaula lūzums vidējā daļā ar fragmentu dislokāciju”. Skrīnu lejā da JAU cyta Traumataloga, soku :

  • Dakter, voi jius varātu mani pījimt….. cikom es pa rentgenu, īprīkšejuo uorste beidze dorbu…..
  • Kas ta iraida?
  • Astlāgys kauls pušu!
  • Traumpunkts!
  • /….ZAJEBIS…./ (nu, ite es pi seve)

Laiks – 14.30

Skrīnu jau ar sovu teļa uodys pufaiku (itymā sasūdeitajā Teļa godā) iz Traumpunktu. Pīspīžu pūdzeņu – īlaiž īkšā. Skons – pūdzeņa. Nūdūmoju – nudi, kai Pavlova refleksi.

Tī otkon vacuo dzīsme :

  • Trauma?
  • Trauma, gon.

Dūdu rentgentuzjāmumu. Maņ prosa – Nūsyutejumu nu Traumataloga

  • Maņ ir viņ itaidi papeirieši.

Atdevu Saimis uorstīnis nūsyutejumu iz Traumpunktu i pošu bildi, nu rentgena, ni jau doktorīnis 😉

Tī sprīdelej –

  • Oi, cik vaca trauma … 5dīnys!!! Oi,oi….nu pagaidit

Da jau smejūtīs i atasāstu krāslā. Atcerūs vīnu sokomū – „Pazaudiesi pakali, piečuok dierssi caur suonkauli” 😀

Verūs, cylvāki ari ar traumom apleik. Vīnam kuoja, ūtram apdadzynuots piersts, bet tys piersts ari viņ šudiņ suocs suopēt…

Otkon daīt da mane…..

  • Es tai i nasaprotu kū jums vajag?

Iz momenta apstulbu…..

  • Nu es nazynu, līcit gipsī voi kočkū, ta jau zynuosit, kū dareit…..

Pauze.

  • Jums juoīt slimineicā. Redzit (ruoda uzjāmumu), te jī (kauli) navar saaug taipat kūpā, nada plascinku vstavic. Operaciju nado. Kogda v boļnicu? Segodņa ili ponedzļnik …. nū, tak sama da ponedzeļnika vam operāciju nikto ne sdzelajet.
  • Nu…es dūmoju….hm….ēm…pyrmūdiņ!
  • Lābi! Naciet šur.

Aizeimom iz kabinetu. Nu reita vīnys doktorkys vītā jau tei poša vacuo (reita) i vēļ vīna. Rasnuoka 4x par mani. Bet nu vīns skaistums īīt pa durovom, kai Dabasu rosa iz pokmeļa. Šmuka reita dokturkys paleidze. „Varātu i ūtru reizi, ja pyrmū īdūtu” – nūdūmoju.

Tod maņ izroksta nūreikuojumu – gaideis mani IZREIZ piec stuņdem 8.00 itymā pošā vītā – 12.01.09.
Plus Bonuseņš –

  • Vajag mudruok reikuotīs, i naasit taids …. nu nazynu… voi tī kū varēs izdareit..
  • Es jau kaulus kotru dīnu nalaužu, nazynu, kai tys ir i kū tī varēs izdareit.

„Pisec, var saprast ideju taidu – moš paleiņ styureitī i klusi nūmiersti, natraucej mums te blankys aizpiļdeit….”

Drusku nervi naizturēja :

  • Vīneigais, kas šudiņ beja lobs nu vysa saceituo, beja jiusu paleidze! Vysu lobu!

Laiks – 15.46

Vot taida „dorbadīna” ; ) :@
Tai ka, meilī, LAI jums VESELEIGS gods. :*
Nakreitit i niule