Latvīšu volūda guojuse nu latgalīšu

Daudz par itū runuots i vysa kur rakseits, tak napaseņ vīnā nu Reigys gruomatneicom atrodu itaidu “Latvejis Pasi” angliski saraksteitu par dažaidim myusu vaļsts pamatdatim. Pateikamai beja puorskaiteit sadali “Latvīšu volūda”, kur atzeimāts, ka latvīšu volūda izaveidovuse nu volūdys, kas 11. godu symtā tyka lītuota austrumbaltu ciļts vydā – respektivi nu latgalīšu!

Itymā brošurā ari atzeimāts, ka tikai 16. godu symtā latvīšu volūdai pīzavīnova vuordi nu cytom vītejom ciļtim – taidom kai zemgali, sēli, kurši i līvi.

Taitod vēļ vīns izdavums nūruoda, ka latvīšu kūpnacionaluos vierteibys ir izaveidovuš iz godu symtu laikā īkruotuos latgalīšu pīredzis pamatim! 🙂