Latgolys Radejis zinis (31.03.2009.)
Martā Daugavpilī drupeit sazamazyuojs bezdorba pīauguma temps, inpormei Nūdarbynuoteibs Vaļts agenturys (NVA) Daugavpils piliala viersinīks Juoņs Vanags. Ja pārnuo goda beiguos i ituo goda suokuos NVA Daugavpilī mienesī tyka registāti apmāram 1000 jaunu bezdarbnīku, martā itys skaitlis sasamazynuojs leidz 650 cylvākim. Viests par struodojūšū skaita samozynuošonu aprelī nūdarbynuoteibys dīnestam padavuš 14 komersanti.Šudiņ Preiļu Navalstiskūs organizaceju centrā nūteik inpormativa saīsme par Latgolys kuļturys programmys projektu dasacejumu konkursu, kū izsludynuojuse Latgolys regiona atteisteibys agentura. Konkursa aizdavums ir 2009. godā snēgt pinansialu atspaidu svareigim kuļturys projektim, kas veicynoj Latgolys kultūrvidis, vierteibu i tradiceju atteisteibu.
Da 17. apreļam Leivuonu nūvoda dūme izsludynuojuse kandidatu dasaceišonu Gūda pylsūņa titula daškieršonai, inpormej Leivuonu nūvoda dūmis sabīdriskūs attīceibu specialiste Indra Artemjeva. Kandidatus Gūda pylsūņa titulam var īsaceit Leivuonu nūvoda deputati, dūmis komitejis i komisejis, Leivuonu nūvodā registrātuos juridiskuos personys (NVO, komersanti i cyti), vaļts i pošvaļdeibys institucejis, kai ari dzeivuotuoji, kurūs dzeivis vītys deklarātys Leivuonu nūvodā i kurī parakstejuši padavumu.
