Latgolys Radejis zinis (08.04.2009.)
Regionaluos atteisteibys i pošvaļdeibu lītu ministrejā (RAPLM) šudiņ nūtiks Koordinacejis padūmis sēde, kab tiemātu Ventspiļa i Rēzeknis piļsātu projektu idejis, kurys juos īceriejuš eistynuot Eiropys Regionaluos atteisteibys fondu prioritatis „Policentriska atteisteiba” ītvorā. Rēzeknis piļsāta planavoj rekonstruēt Kulturviesturis muzeja sātu kompleksu, kas sekmēs Rēzeknis kai Austrumlatvejis izgleiteibys i kulturys centra izaugsmi, nūdrūšynojūt daejamu i lobu kulturvidi ikvīnai sabīdreibys daļai.
Šudiņ nu desmitim leidz divim Rēzeknis piļsātys Pensionaru socialuos apryupis centrā (pansionatā), Pensionaru dīnys apryupis centrā i Apryupis muojis birojā Rēznis īlā 41 nūtiks attaiseitūs durovu dīna, informej Rēzeknis piļsātys dūmē. Attaiseitūs durovu mierkis ir inpormēt dzeivuotuojus i jūs tyvinīkus par īspiejom sajimt pošvaļdeibys socialūs pakolpuojumus godūs vacim cylvākim i invalidim.
Šudiņ Daugavpils Universitātē nūtiks Latgolys nūvoda olimpiade lītišķajā inpormatikā „Paskāla ritiņs – 2009”. Gribiešonu demonstrēt sovys zynuošonys lītišķajā inpormatikā itūgod izsacejuš i olimpiādei pīsasacejuš 40 dažaida vacuma vyspuorizgleitojūšūs i profesionalūs videjūs izgleiteibys īstuožu audziekni nu vysys Latgolys.
Šudiņ Nūdarbynuoteibys valsts agenturys Rēzeknis pilialā vysys dorba dīnys garumā natiks izdareita pyrmreizejuo bezdarbnīku registraceja, Rēzeknis pilialā iz laiku tiks puortaukta elektreibys padeve, deļ tuo nastruoduos īstuodis teleponi, bet īprīšk registrātī bezdarbnīki i dorba maklātuoji tiks apkolpuoti.
