Latgalīšu lementari i jaunumi internetā

Latgalīšu aktivitatis pa druskai īt plašumā voi vysmoz laiku pa laikam nūteik koč kas jauns latgalīšu kulturys dzeivē i deļ tam raugam naļaut atsluobt pastuoveigai interesei.
Tai naseņ izdūta jauna gruomota “Latgaliešu ābeces. 1768. — 2008.” – sakuortuojs Juŗs Cybuļs, a literats Raibīs Suņs suocs taiseit sovu interneta sātys lopu…

Gruomotys autors ir labi zynomais lementaru kolekcionars (kolekcejā asūt 4000 lementaru nu 200 zemem 660 volūduos). Gruomota dūd puorskotu par garū i gryutū atteisteibys celi, kuru latgalīšu lementari ir nūguojuši vairuoku godusymtu laikā. Tei īpazeistynoj ar dažaidim lementaru tipim i veidim, raksturojūt tūs sastuodeišonys i ilustriešonys principus.

Vairuok informacejis par Jura Cybuļa sagataveitū gruomotu “Latgaliešu ābeces. 1768. — 2008 var īgiut: www.zinatnesgramatas.lv

A myusu laseituojam labi zynomais literats Raibīs Suņs sataisejs vosu sātys lopu ar devizi “Elegantys vibrācejis cytā gaumī”. Drūšai īviertej: raibiis.wordpress.com