Latgalīši nu Sibira gastej Aulejā

Vairuok kai nedeli treis latgalītis nu tuoluo Sibira gasteja Latgolā i cytvīt Latvejā. 17.augustā tyka sareikuota tikšonuos Aulejis Tautys nomā. Tymā profesore Lideja Leikuma īpazeistynova ar latgalīšu ekspediceju viesturi pa Sibirejis plašumim, a pošys sibirītis pīruodeja, ka vēļ jūprūjom muok latgaliskū runu.

Pī tam taišni Krīveja jūprūjom ir vīneiguo vaļsts iz pasauļa, kas dažaidu varu laikūs plūseita, bet ir daļuovuse daudzejim myusu nūvodnīku piectečim ari myusu dīnuos dokumentūs pi atzeimis tauteiba raksteit “latgalīts” (latgalec – krīvu.vol.).

Folklorys kūpys nu Rykavys, Dagdys, Izvolta, Bolvu pusis i pošys Aulejis prīcynova gostus ar vysaiduokom skaneigom latgalīšu dzīsmem, a profesore Lideja Leikuma paruodeja prezentaceji īskotam par vairuoku godu garumā ekspedicejuos īvuoktū materialu. Tyka demonstrāti ir ari puors Daiņa Juragys videomateriali par Sibira latgalīšim.

Pasuokuma nūslāgumā sarunys i duskusejis pi kūpeiga golda, kai ari fotoizstuodis apsavieršona.