LaKuGa.LV pīdzeivoj puors izmainis

Niu asom drusku sakuortovuši Latgalīšu Kulturys Gazetys (LaKuGa.LV) sadalis, deļ tam vyspuoreigai Jiusim pastuosteišu, kas ir pamaineits. Golvonuos izmainis ir saisteibā ar sadaļu izvītuojumu lopys kreisajā pusē, kai ari guojuse kluot jauna sadaļa “Audio”.

Sadaļa “Aktualitatis” puorsaukta par “Dīnroksti” – tymā ir vysu LaKuGa.LV autoru dīnroksti, kur var pīsavīnuot ari jauni ļauds (ari TU), ka ir kū aksteit i ir kū stuosteit.

Davīnuota ir sadaļa “Audio” – tymā ir apkūpuoti vysaidi audio faili i radeju raidejumi, kas ir LaKuGa.LV reiceibā: “Latgolys Vuords nu Reigys”, “Kukužu radeja”, kai ari kotru dīnu teik davīnuotys jaunuokuos zinis nu Latgolys Radejis. Ka esit pamanejuši, jaunukuos zinis var atrast ari vysu lopu augšejā lobajā styurī, kur kotru drba dīnu teik davīnuots svaiguokais ziņu audioīroksts.

Vairuokys leidzšinejuos sadalis (Folklora, Teatrs/Dzygys, Arhitektura, Gleznīceiba/Tielnīceiba, Lītiškuo muoksla/Prakstiskys lītys kai ari Doba) ir salyktys niu zam sadalis “Vyss kas”. Tys izdareits deļ tam, ka Dīvamžāļ itamuos sadaļuos beja moz jaunys i aktualys inforacejis. Ar laiku tuos īspiejams atsagrīzs iz pyrmuos lopys, ka byus vairuok papyldynuotys. Tī pat pi sadalis “Vyss kas” davīnuota ari apakšsadaļa “Itei dīna Latgolā”, kura ir Latgolys Pietnīceibys instituta izveiduotuo datu bāze, bet pagaidam, izaruodīs, ka jei nav pīejama, deļ tam ka teik papyldynuota. Gaideisim atpakaļ vystyvuokajā laikā.

Vystyvuokajā laikā raudzeisim sakuortuot i nūpublicēt sadali “Foto”, kurymā byus radzamys vysys leidzšinejuos LaKuGa.LV arhiva fotokartenis, kai ari dūmojams pīzavīnuos aizvin jaunys nu pasuokumu voi ar dobys skotim i cytaidys.

Tys ari pagaidam vyss nu jaunumim. Lai Jiusim pateikama i aizvin ārtuoka LaKuGa.LV skaiteišona. Ka ir kaidi komentari, prīkšlykumi voi kritika – vysod varit syuteit iz e-postu: lakuga@latgale.lv