Dzīsme nu Dabasu Durovu – Vyss izrunuots

Grupa „Dabasu Durovys” pīduovoj jaunu singlu „Vyss izrunuots” Dzīsmē stuosta par sajiutu, kaida rūnas, kod gribi runuot ar tyvu cylvāku (draugu, vacuokim), bet nikuo eisti sakareigu navari pasceit.

Dzīsme īraksteita 2009.goda julī, skaņu īrokstu studejā „Kukuži” Daugavpilī. Īrokstā pīsadaleja: Egils Kulmanis (saksofons, bolss), Arnis Slobožaņins (gitara, bolss), Juoņs Veliks (bungys), Edgars Kluss (gitara), Mihails Šaiters (basgitara).

Grupa „Dabasu Durovys” izveiduota pyrma treju godu Daugavpilī. Spālāti apmāram 60 koncerti Latvejā i Lītovā, kai ari jimta daleiba vairuokūs jaunūs grupu konkursūs (MicRec bārs OPEN, “Bliez pa pirmo”, “Chemical Reaction”, i.c.) 2008. goda septembrī teik izdūts debejis albums „Ļepetnīks” (Taurenis).

Niu teik struoduots pi ūtruo videoklipa, kura prezentaceja gaidama septembra pyrmajā pusē, kai ari turpynojās dorbs pi jaunim īrokstim deļ ūtruo albuma.