Dzeja / Koiru Kaiva

*Pasaucūt biti*
Mieginoj sanēt
un atvērt sirdi viejam
īdadzūt gaismu kūrē
Voi nūjaut -IR LAIKS! Nazabeist ticēt!

*Nūzyud vyss skotam*
Nav te vairs tversmis
un guņs dzirkste jau prūjom
tik rosys lāse vēl treis.
Nūslāpums zuds? Voi pareit byus vēl?

*Eņgeļi dzīduos*
Atsasokūs zynuot
un lyukuot pīna ceļu
aizmiersteibas vuorti cīt
Tik apsastuojs gon. Vēl vyss tikai byus…

*Nalaikā zīdēt*
Nūzūgu mirkli
un tod ilgi var elpuot
namonūt ānas apkuort.
Voi mieginuot vēl? Vysam ir jāga…

*Ar vīnu breidi*
Vyss suocs zīdēt
es duovynoju tev šalkys
un sasolušū zemi
Voi naatsaceisi? Tai nadreikst aizīt!…

*Žielesteibas vergs*
Puorvērt zvuorguli
bet sorgīs nu īdūmas
Naredzi dabasūs sauli?
Skanis jau runoj. Kotram ir āna.

*Plāksteris dīnai*
Sateiku tevi
un saskaitu rudiņus
atgiustu nanūlamtū.
Kuš, sadylst krāsla! Vīns mirklis mīra…

*Pavasara snīgs *
Paceļu skotu
un naapmulstu gaiduos
vuorti uz reitdīnu cīt.
Man vairs nav kur steigt. Kotram sovs augstums…

*Otkol un Otkol*
Upi naaiztīc
un sārkūkus narausti
nūnīcynojūt atkluosmi
Skumjas ir breivas. Nīvom nav vītys…

*Navaru aizīt*
Tu esi tu pats
ilgi storp svešīm maklāts
puormatumu cepā kolts
Nanūtureisi. Navaru palikt…

*Atguodynojums*
Esu boguota
muna laime syuri zīd
un pīrodynuota speid.
Man navajag daudz. Nūgaideit ir vārts…